Puneet Rajkumar: నాటు నాటు పాటకు పునీత్ స్టెప్పులు.. నెట్టింట్లో వైరల్‌గా ‘అప్పు’ ఫ్యాన్‌ మేడ్‌ వీడియో..
మెగాపవర్‌ స్టార్‌ రామ్‌ చరణ్, ఎన్టీఆర్‌ హీరోలుగా దర్శకధీరుడు రాజమౌళి అత్యంత ప్రతిష్ఠాత్మకంగా తెరకెక్కిస్తున్న సినిమా ‘ఆర్ఆర్ఆర్’. పాన్‌ ఇండియా స్థాయిలో రూపొందుతోన్న
మెగాపవర్‌ స్టార్‌ రామ్‌ చరణ్, ఎన్టీఆర్‌ హీరోలుగా దర్శకధీరుడు రాజమౌళి అత్యంత ప్రతిష్ఠాత్మకంగా తెరకెక్కిస్తున్న సినిమా ‘ఆర్ఆర్ఆర్’. పాన్‌ ఇండియా స్థాయిలో రూపొందుతోన్న ఈ చిత్రం విడుదల కోసం సినీ ప్రియులు ఆసక్తిగా ఎదురుచూస్తున్నారు. ఇక ఈ సినిమా నుంచి విడుదలైన హీరోల టీజర్లు, గ్లింప్స్‌లు, పాటలు ఎలాంటి సంచనాలు సృష్టించాయో ప్రత్యేకంగా చెప్పక్కర్లేదు. ఇక ఇటీవల ఈ సినిమా నుంచి విడుదలైన ‘నాటు నాటు’ పాటు యూట్యూబ్‌లో ఇప్పటివరకు 3 కోట్ల వ్యూస్‌కు చేరువైంది. ఈ పాటకు కీరవాణి స్వరాలు అందించ‌గా, చంద్రబోస్‌ సాహిత్యం అందించారు. కాలభైరవ, రాహుల్‌ సిప్లిగంజ్‌ ఈ పాటను ఆలపించారు. ఇక ఈ పాటలో తారక్, రామ్‌చరణ్‌ వేసిన మాస్‌ స్టె్ప్పులు సినీ ప్రియులను ఎంతగానో ఆకట్టుకుంటున్నాయి.
ఈ క్రమంలో చాలామంది నెటిజన్లు ఈ పాటకు స్ఫూప్‌లు, కవర్‌ సాంగ్‌లు, రీక్రియేట్‌ చేస్తూ ఆ వీడియోలను సోషల్ మీడియాలో పోస్ట్‌ చేస్తున్నారు. ఇటీవల ఓ బామ్మ ఈ పాటకు స్టెప్పులేసిన వీడియో సోషల్ మీడియాలో తెగ వైరల్‌గా మారిన సంగతి తెలిసిందే . ‘ఆర్ఆర్ఆర్’ చిత్ర బృందం కూడా ఈ వీడియోపై ప్రశంసలు కురిపించింది. ఈ క్రమంలో పునీత్ రాజ్ కుమార్ డ్యాన్స్‌ స్టెప్పులకు నాటు నాటు కన్నడ వెర్షన్ మాషప్‌ను రూపొందించారు. ఈ వీడియోకి నెటిజన్స్ తెగ ఫిదా అవుతున్నారు. ఆర్ఆర్ఆర్ టీం కూడా ఈ వీడియోకి స్పందించ‌డం విశేషం. కాగా ఇటీవల కన్నుమూసిన కన్నడ పవర్‌స్టార్‌ పునీత్ అభిమాని ఒకరు ఈ ‘నాటు నాటు’ పాటను అద్భుతంగా రీక్రియేట్‌ చేశాడు. పునీత్ వేసిన డ్యాన్స్‌ స్టెప్పులకు కన్నడ వెర్షన్ మాషప్‌ను రూపొందించారు. ప్రముఖ నృత్య దర్శకుడు జానీ మాస్టర్ కూడా ఒక సందర్భంలో ఈ వీడియోలో కనిపించడం విశేషం . మరి నెటిజన్లను బాగా ఆకట్టుకుంటోన్న ఈ వీడియోపై మీరూ ఓ లుక్కేయండి.
#ಹಳ್ಳಿನಾಟು ft PowerStar⚡@PuneethRajkumar❤️#PuneethRajkumar #KingAPPU pic.twitter.com/lOHjtOtagV
— Pramod⚡ (@_PramodAppu1) November 21, 2021
Also Read:
Vijayashanthi: చెల్లాచెదురైన జీవితాలు త్వరితగతిన గాడిన పడాలి.. భారీ వర్షాలపై విజయశాంతి ట్వీట్
