Dil Raju: మాస్ డైరెక్టర్తో తమిళ్ హీరో సూర్య సినిమా….. క్రేజీ కాంబినేషన్ సెట్ చేయనున్న దిల్రాజు ?
Dil Raju: ప్రముఖ నిర్మాత దిల్ రాజు వరుసగా పాన్ ఇండియా సినిమాలు చేసేందుకు సిద్ధమవుతున్నారు. ఈ క్రమంలోనే సరికొత్త కాంబినేషన్లతో సినిమాలు నిర్మించాలని ప్లాన్ చేస్తున్నారు.
Updated on: Jun 16, 2021 | 2:48 PM
Dil Raju: ప్రముఖ నిర్మాత దిల్ రాజు వరుసగా పాన్ ఇండియా సినిమాలు చేసేందుకు సిద్ధమవుతున్నారు. ఈ క్రమంలోనే సరికొత్త కాంబినేషన్లతో సినిమాలు నిర్మించాలని ప్లాన్ చేస్తున్నారు. అటు చిన్న సినిమాలను.. ఇటు భారీ బడ్డెట్ చిత్రాలను తెరకెక్కిస్తూ ఫుల్ బిజీగా మారిపోయాడు. శ్రీ వేంకటేశ్వర క్రియేషన్స్ బ్యానర్ పై సూపర్ హిట్ సినిమాలను నిర్మిస్తున్నాడు. ఇప్పటికే పవర్ స్టార్ పవన్ కళ్యాణ్ నటించిన వకీల్ సాబ్ సినిమాతో సూపర్ హిట్ అందుకున్నాడు దిల్ రాజు.
ప్రస్తుతం రామ్ చరణ్, శంకర్ కాంబోలో వచ్చే సినిమాను నిర్మించనున్నాడు. ఈ సినిమా కోసం రూ. 130 కోట్లు ఖర్చు చేయనున్నట్లుగా టాక్ వినిపిస్తోంది. మరోవైపు ప్రభాస్, ప్రశాంత్ నీల్ కాంబోలో మరో భారీ చిత్రాన్ని ప్లాన్ చేస్తున్నాడు. ఇక ఇవేకాకుండా.. బాలీవుడ్ స్టార్ హీరో షాహిద్ కపూర్ తో హిందీలో జెర్సీ రీమేక్ నిర్మిస్తున్నాడు. అలాగే వంశీ పైడిపల్లి.. తమిళ స్టార్ హీరో విజయ్ కాంబినేషన్ లో ఓ భారీ మూవీ తెరకెక్కించేందుకు ప్లాన్ చేస్తున్నాడు దిల్ రాజు. ఇందుకోసం విజయ్ కు ఏకంగా రూ. 100 కోట్ల పారితోషికం ఇవ్వనున్నట్లుగా సమాచారం. ఇక దిల్ రాజ్ మరో సెన్సేషనల్ ప్రాజెక్ట్ కూడా లైన్ లోకి తీసుకువచ్చేందుకు ప్లాన్ చేస్తున్నాడట. మాస్ డైరెక్టర్ బోయపాటి శ్రీను, తమిళ స్టార్ హీరో సూర్య కాంబోలో ఓ సినిమా నిర్మించాలని ప్రయత్నిస్తున్నట్లుగా టాక్. ఇప్పటికే సూర్య డేట్స్ కోసం కూడా చర్చలు స్టార్ట్ చేసారట. త్వరలోనే ఈ భారీ ప్రాజెక్టుకు సంబంధించిన పూర్తి వివరాలను ప్రకటించనున్నారట. మొత్తానికి ఈ ఏడాది వరుస పాన్ ఇండియా చిత్రాలతో దిల్ రాజ్ ఫుల్ బిజీగా మారబోతున్నట్లుగా తెలుస్తోంది.
