Pushpa: పుష్పరాజ్కు బాహుబలి సపోర్ట్.. పుష్ప ప్రి రిలీజ్ ఈవెంట్కు ముఖ్య అతిథిగా డార్లింగ్.?
Pushpa: ఒక హీరో సినిమాకు సంబంధించిన వేడుకల్లో మరో హీరో పాల్గొనడం ఇటీవల ఒక ట్రెండ్లా మారుతోంది. ఒకప్పుడు పెద్దగా ఈ సంస్కృతి లేకపోయినప్పటికీ ఇటీవల ఎక్కువైంది. స్టార్ హీరోలు తమ...
Updated on: Nov 30, 2021 | 5:13 PM
Pushpa: ఒక హీరో సినిమాకు సంబంధించిన వేడుకల్లో మరో హీరో పాల్గొనడం ఇటీవల ఒక ట్రెండ్లా మారుతోంది. ఒకప్పుడు పెద్దగా ఈ సంస్కృతి లేకపోయినప్పటికీ ఇటీవల ఎక్కువైంది. స్టార్ హీరోలు తమ హోదాను, స్టార్డమ్ను సైతం పక్కన పెట్టి తోటి హీరోల కోసం రంగంలోకి దిగుతున్నారు. దీంతో ఎక్కడలేని ప్రచారం జరుగుతోంది. ఇటీవల బాలకృష్ణ నటించిన అఖండ ప్రి రిలీజ్ ఈవెంట్కు ఐకాన్ స్టార్ అల్లు అర్జున్ ముఖ్యత అతిథిగా హాజరైన విషయం తెలిసిందే. ఇదిలా ఉంటే తాజా సమాచారం ప్రకారం బన్నీ కోసం ప్రభాస్ రంగంలోకి దిగనున్నట్లు తెలుస్తోంది.
అల్లు అర్జున్ హీరోగా సుకుమార్ దర్శకత్వంలో ‘పుష్ప’ అనే చిత్రం తెరకెక్కుతోన్న విషయం తెలిసిందే. రష్మిక హీరోయిన్గా నటిస్తోన్న ఈ సినిమాపై భారీ అంచనాలున్నాయి. ఎర్రచందనం స్మగ్లింగ్ అనే వినూత్న కాన్సెప్ట్తో తెరకెక్కుతోన్న ఈ సినిమాపై ఇండస్ట్రీ దృష్టి పడింది. పాన్ ఇండియా చిత్రంగా తెరకెక్కుతోన్న ఈ సినిమాను డిసెంబర్ 17న విడుదల చేయనున్నారు. ఈ నేపథ్యంలోనే సినిమా తేదీ దగ్గర పడుతుండడంతో చిత్ర యూనిట్ సినిమా ప్రమోషన్స్లో వేగాన్ని పెంచేసింది. ఇందులో భాగంగానే ఇప్పటి వరకు టీజర్, పాటలతో హోరెత్తించిన చిత్ర యూనిట్ తాజాగా.. ప్రి రిలీజ్ ఈవెంట్ను నిర్వహించేందుకు సిద్ధమవుతోంది. ఇందులో భాగంగానే డిసెంబర్ 12న హైదరాబాద్లో ఈవెంట్ను భారీగా నిర్వహించేందుకు సన్నాహాలు మొదలయ్యాయని సమాచారం.
ఇదిలా ఉంటే ఈ ఈవెంట్కు ప్రభాస్ ముఖ్య అతిథిగా హాజరుకానున్నాడని తెలుస్తోంది. ఇప్పటికే చిత్ర యూనిట్ ప్రభాస్ను ఆహ్వానించగా దానికి డార్లింగ్ ఓకే చెప్పినట్లు టాక్. అయితే దీనిపై అధికారిక ప్రకటన రావాల్సి ఉంది. ఇదిలా ఉంటే ప్రభాస్కు ఇప్పటికే బాలీవుడ్లో విపరీతమైన క్రేజ్ పెరిగిన విషయం తెలిసిందే. ఇక పుష్ప కూడా హిందీలో విడుదల కానుంది. ఈ నేపథ్యంలో ప్రభాస్ ఈ ఈవెంట్కు హాజరైతే సహజంగానే పుష్పకు బాలీవుడ్లోనూ మంచి ప్రమోషన్ జరిగినట్లు ఉంటుందని చిత్ర యూనిట్ భావిస్తుందని వార్తలు వస్తున్నాయి.
Horoscope Today: ఈరోజు ఈ రాశి ఉద్యోగులకు గుడ్ న్యూస్.. నేటి రాశిఫలాలు ఎలా ఉన్నాయంటే..
