Spider Man No Way Home: యూఎస్ కంటే ముందుగా భారత్లోనే ల్యాండ్ కానున్న స్పైడర్ మ్యాన్.. విడుదల ఎప్పుడంటే..
హాలీవుడ్ సినిమాలు, అందులోనూ మార్వెల్ చిత్రాలు చూసేవారికి 'స్పైడర్ మ్యాన్' సిరీస్ గురించి ప్రత్యేక పరిచయం అవసరం లేదు. ఈ సిరీస్లో తెరకెక్కిన అన్ని చిత్రాలు సూపర్ డూపర్ హిట్గా నిలిచాయి
Updated on: Nov 30, 2021 | 5:13 PM
హాలీవుడ్ సినిమాలు, అందులోనూ మార్వెల్ చిత్రాలు చూసేవారికి ‘స్పైడర్ మ్యాన్’ సిరీస్ గురించి ప్రత్యేక పరిచయం అవసరం లేదు. ఈ సిరీస్లో తెరకెక్కిన అన్ని చిత్రాలు సూపర్ డూపర్ హిట్గా నిలిచాయి. ముఖ్యంగా ఇందులోని యాక్షన్, అడ్వెంచరస్ సన్నివేశాలు సినీ ప్రియులను ఎంతగానో ఆకట్టుకున్నాయి. కాగా ఈ సిరీస్లో వస్తోన్న మరో విజువల్ వండర్ ‘స్పైడర్ మ్యాన్: నో వే హోమ్’. ఇప్పటికే ఈ చిత్రం నుంచి విడుదలైన ప్రతి అప్డేట్ సినిమాపై అంచనాలను పెంచేసింది. కాగా ఈ సూపర్ హీరో సినిమాను డిసెంబర్ 17న అమెరికాలో విడుదల చేయనునన్నట్లు గతంలో సోనీ పిక్చర్స్ సంస్థ వెల్లడించింది. అయితే తాజాగా మరో క్రేజీ అప్డేట్ ఇచ్చింది. అమెరికా కంటే ముందుగా ఇండియాలోనే ఈ స్పైడర్ మ్యాన్ ల్యాండ్ కానున్నట్లు ఆ సంస్థ ట్విట్టర్ తెలిపింది.
‘స్పైడర్ మ్యాన్ , మార్వెల్ ఫ్యాన్స్తో మేం ఒక ఇంట్రెస్టింగ్ విషయాన్ని పంచుకుంటున్నాం. మన అభిమాన సూపర్ హీరో స్పైడర్ మ్యాన్ యూఎస్ కంటే ఒకరోజు ముందుగానే ఇండియాలో స్వింగ్ చేయనున్నాడు. డిసెంబర్ 16న ‘స్పైడర్ మ్యాన్: నో వే హోమ్’ చిత్రాన్ని ఇంగ్లిష్, హిందీ, తమిళం, తెలుగు భాషల్లో చూడండి’ అని సోనీ పిక్చర్స్ ఇండియా ట్విట్టర్లో తెలిపింది. దీంతో పాటు ఈ సినిమాకు సంబంధించి మరో కొత్త పోస్టర్ను విడుదల చేసింది చిత్ర బృందం. టామ్ హాలండ్, జెండయా, విల్లెం డఫె, జేమీ ఫాక్స్ తదితరులు ఈ చిత్రంలో నటించారు.
We have some exciting news for all the Spider-Man & Marvel fans! Our favourite superhero will be swinging in one day earlier than the US! Catch #SpiderManNoWayHome on December 16 in English, Hindi, Tamil & Telugu. pic.twitter.com/uUNQNJ7e3h
— Sony Pictures India (@SonyPicsIndia) November 29, 2021
Also Read:
Ranbir and Alia: మరోసారి పెళ్లి వాయిదా వేసుకున్న బాలీవుడ్ ప్రేమ పక్షులు.. కారణాలేంటంటే..
