Ranbir and Alia: మరోసారి పెళ్లి వాయిదా వేసుకున్న బాలీవుడ్ ప్రేమ పక్షులు.. కారణాలేంటంటే..
బాలీవుడ్ ప్రేమ పక్షులు కత్రినా కైఫ్ - విక్కీ కౌశల్ త్వరలోనే పెళ్లిపీటలెక్కనున్నారు. దీంతో మరో ప్రేమ జంట అలియా భట్- రణ్బీర్ కపూర్ లు కూడా ఈ ఏడాదిలోనే ఏడడుగులు నడుస్తారని చాలామంది భావించారు
Updated on: Nov 30, 2021 | 5:13 PM
బాలీవుడ్ ప్రేమ పక్షులు కత్రినా కైఫ్ – విక్కీ కౌశల్ త్వరలోనే పెళ్లిపీటలెక్కనున్నారు. దీంతో మరో ప్రేమ జంట అలియా భట్- రణ్బీర్ కపూర్ లు కూడా ఈ ఏడాదిలోనే ఏడడుగులు నడుస్తారని చాలామంది భావించారు. ఇప్పటికే కరోనా ప్రభావంతో పలుమార్లు వాయిదా పడిన వీరి వివాహం డిసెంబర్ చివర్లో జరుగుతుందనుకున్నారు. అయితే తాజాగా మరోసారి ఆలియా-రణ్బీర్లు వివాహాన్ని వాయిదా వేసుకున్నట్లు తెలుస్తుంది. కరోనా కొత్త వేరియంట్ ఒమిక్రాన్ ప్రభావానికి తోడు ఈ లవ్బర్డ్స్ పూర్తి చేయాల్సిన సినిమాలు చాలావరకు పెండింగ్లో ఉండడమే దీనికి కారణమని సమాచారం. ఇక విదేశాల్లో డెస్టినేషన్ వెడ్డింగ్కు ప్లాన్ చేస్తున్నారీ లవ్ బర్డ్స్. దీనికి సంబంధించిన పనులు ఓ కొలిక్కిరావకపోడం కూడా పెళ్లి పోస్ట్ పోన్ అవ్వడానికి కారణమని తెలుస్తోంది. అదేవిధంగా వివాహమైన వెంటనే ఖరీదైన ప్లాట్లో కాపురం పెట్టాలనుకుంటున్నారు. దీనికి సంబంధించి కూడా కొన్ని పనులు కూడా పెండింగ్లో ఉన్నాయట.
ఈ పనులన్నీ పూర్తవ్వాలంటే మరికొంత సమయం పడుతుందని అందుకే వచ్చే ఏడాది ఏప్రిల్- మే నెలల్లో లేదా 2022 డిసెంబర్లో పెళ్లి ముహూర్తం పెట్టుకోవాలనుకుంటున్నారు అలియా – రణ్బీర్. జీవితాన్ని పంచుకునే ముందు ఈ జంట ‘బ్రహ్మాస్త్ర’ చిత్రంలో సిల్వర్ స్ర్కీన్ను పంచుకోనున్నారు. భారీ తారాగణం, బడ్జెట్తో తెరకెక్కుతోన్న ఈ చిత్రం ఇంకా పూర్తవ్వలేదు. వారి పెళ్లికి ముందే ఈ చిత్రాన్ని ప్రేక్షకుల ముందుకు తీసుకురావాలనే యోచనలో చిత్ర బృందం ఉందట. అందుకే ముందుగా ఈ చిత్రం షూటింగ్ పూర్తి చేసే ఆలోచనలో ఉన్నారట. దీంతో వీరిని భార్యాభర్తలుగా చూసేందుకు మరో ఏడాది పాటు అగాల్సిందే.
Also Read:
Lakshya Trailer: నాగశౌర్య కోసం రంగంలోకి వెంకటేష్.. ట్రైలర్ రిలీజ్ అనౌన్స్ చేసిన లక్ష్య టీం..
