Ponniyin selvan: పొన్నియిన్ సెల్వన్‌ వసూళ్ల సునామి.. ఏకంగా అక్కడే రూ. 100 కోట్లకుపైగా..
చాలా రోజుల తర్వాత మణిరత్నం ఈ సినిమాతో ప్రేక్షకులకు విజువల్‌ ట్రీట్‌ అందించారు. తమిళ రచయిత కల్కి రాసిన నవల ఆధారంగా, చోళుల నేపథ్యంలో తెరకెక్కిన పొన్నియిన్ ప్రస్తుతం బాక్సాఫీస్‌ ముందు వసూళ్ల సునామి సృష్టిస్తోంది...
Updated on: Oct 02, 2022 | 2:41 PM
దిగ్గజ దర్శకుడు మణిరత్నం అత్యంత ప్రతిష్టాత్మకంగా తెరకెక్కిన చిత్రం ‘పొన్నియిన్ సెల్వన్‌’. రెండు పార్టులుగా తెరకెక్కిన ఈ సినిమా తొలి పార్ట్‌ సెప్టెంబర్‌ 30న విడుదలై విజయవంతంగా నడుస్తోంది. భారీ అంచనాల నడుమ తెరకెక్కిన ఈ సినిమాకు ప్రేక్షకులకు బ్రహ్మరథం పడుతున్నారు. చాలా రోజుల తర్వాత మణిరత్నం ఈ సినిమాతో ప్రేక్షకులకు విజువల్‌ ట్రీట్‌ అందించారు. తమిళ రచయిత కల్కి రాసిన నవల ఆధారంగా, చోళుల నేపథ్యంలో తెరకెక్కిన సినిమా ప్రస్తుతం బాక్సాఫీస్‌ ముందు వసూళ్ల సునామి సృష్టిస్తోంది.
మరీ ముఖ్యంగా తమిళనాడులో ఈ సినిమాకు విపరీత క్రేజ్‌ లభిస్తోంది. ఒక్క తమిళనాడులోనే ఏకంగా రూ. 100 కోట్ల క్లబ్‌లో చేరడానికి సిద్ధమైందీ చిత్రం. ఇక మిగతా భాషల్లోనూ సినిమాకు చెప్పుకోదగ్గ కలెక్షన్స్‌ వస్తున్నాయి. ప్రపంచవ్యాప్తంగా విడుదలైన ఈ సినిమా ఏకంగా రూ. 147 కోట్ల గ్రాస్‌ను క్రాస్‌ చేయడం విశేషం. ఇదిలా ఉంటే ఈ సినిమాకి ప్రపంచ వ్యాప్తంగా రూ.130 కోట్ల ప్రిరిలీజ్‌ బిజినెస్ జరిగింది.
తమిళ్‌తో పాటు ఓవర్సీస్‌లో కూడా సినిమాకు మంచి టాక్‌ రావడంతో బ్రేక్ ఈవెన్‌ చాలా సులభంగా సాధిస్తుందని సినీ విశ్లేషకులు అంచనా వేస్తున్నారు. ఇదిలా ఉంటే భారీ బడ్జెట్‌తో తెరకెక్కిన ఈ చిత్రంలో అదే స్థాయిలో నటీనటులు ఉన్నారు. చియాన్‌ విక్రమ్‌, ‘జయం’ రవి, కార్తీ, ఐశ్వర్యా రాయ్, త్రిష, ఐశ్వర్యా లక్ష్మి, ప్రకాష్‌రాజ్, శరత్‌కుమార్, విక్రమ్‌ ప్రభు, శోభిత ధూళిపాళ, కీలక పాత్రల్లో నటించారు.
మరిన్ని సినిమా వార్తల కోసం క్లిక్ చేయండి..
