ఆన్‏లైన్‏లో ‘వకీల్ సాబ్’ సెట్‍లోని ఫోటోలు లీక్.. నెట్టింట్లో వైరల్‏గా మారిన పవన్ స్టిల్స్..

పవర్ స్టార్ పవన్ కల్యాణ్ ప్రధాన పాత్రలో నటిస్తున్న చిత్రం ‘వకీల్ సాబ్’. బాలీవుడ్ హిట్ మూవీ పింక్‏కు రీమేక్‏గా తెలుగులో ఈ సినిమా చిత్రీకరిస్తున్న సంగతి తెలిసిందే. అయితే ఈ సినిమాకు సంబంధించిన కొన్ని ఫోటోలు నెట్టింట్లో వైరల్‏గా మారాయి.

.

లాక్‏డౌన్ తర్వాత ఇటీవల ఈ సినిమా షూటింగ్ హైదరాబాద్‏లో ప్రారంభమైన విషయం తెలిసిందే. ఈ మూవీకి సంబంధించిన కొన్ని సన్నివేశాలను నగరంలోని నిజాం కళాశాలలో చిత్రీకరిస్తున్నారు. దీంతో వకీల్ సాబ్ షూటింగ్ సమాచారం తెలుసుకున్న అభిమానులు పవన్‏ను కలవడానికి భారీగా షూటింగ్ స్పాట్ వద్దకు వచ్చారు. తన కోసం వచ్చిన అభిమానులకు పవన్ నమస్కారిస్తూ కొందరితో సెల్ఫీలు దిగారు. దీంతో పవన్ నటిస్తున్న వకీల్ సాబ్ షూటింగ్ సెట్ నుంచి అతనికి సంబంధించిన కొన్ని ఫోటోలు నెట్టింట్లో వైరల్‏గా మారాయి. ప్రస్తుతం రాజకీయాల్లో బిజీగా ఉన్న పవన్ సుమారు మూడు సంవత్సరాల తర్వాత తిరిగి సినిమాల్లో నటిస్తున్నారు. ఆయన నటిస్తున్న వకీల్ సాబ్ చిత్రానికి వేణు శ్రీరామ్ దర్శకత్వం వహిస్తు్న్నారు. ఈ సినిమాలో శ్రుతిహాసన్ కీలకపాత్రలో నటిస్తుండగా.. దిల్‏రాజ్ నిర్మాతగా వ్యవహరిస్తున్నారు.