Jailer OTT: అప్పుడే ఓటీటీలోకి వచ్చేస్తోన్న రజనీకాంత్ ‘జైలర్’! స్ట్రీమింగ్ ఎప్పుడు, ఎక్కడంటే?
సూపర్ స్టార్‌ రజనీకాంత్ నటించిన లేటెస్ట్‌ మూవీ 'జైలర్' బాక్సాఫీస్‌ రికార్డులు బద్దలు కొడుతోంది. పెద్దగా అంచనాలు లేకుండా ఆగస్టు 10న థియేటర్లలో విడుదలైన ఈ యాక్షన్‌ ఎంటర్‌టైనర్‌ ఇప్పటివరకు రూ.550 కోట్లకు పైగా సాధించింది. కేవలం తమిళ్‌లోనే కాదు తెలుగులోనూ రజనీ సినిమా రికార్డులు కొల్లగొడుతోంది. నెల్సన్‌ కుమార్‌ దర్శకత్వం వహించిన జైలర్ సినిమాలో కన్నడ సూపర్ స్టార్‌ శివరాజ్‌ కుమార్‌, మలయాళ సూపర్ స్టార్‌ మోహన్‌లాల్‌ కీలక పాత్రలు పోషించారు
Updated on: Aug 23, 2023 | 4:54 PM
సూపర్ స్టార్‌ రజనీకాంత్ నటించిన లేటెస్ట్‌ మూవీ ‘జైలర్’ బాక్సాఫీస్‌ రికార్డులు బద్దలు కొడుతోంది. పెద్దగా అంచనాలు లేకుండా ఆగస్టు 10న థియేటర్లలో విడుదలైన ఈ యాక్షన్‌ ఎంటర్‌టైనర్‌ ఇప్పటివరకు రూ.550 కోట్లకు పైగా సాధించింది. కేవలం తమిళ్‌లోనే కాదు తెలుగులోనూ రజనీ సినిమా రికార్డులు కొల్లగొడుతోంది. నెల్సన్‌ కుమార్‌ దర్శకత్వం వహించిన జైలర్ సినిమాలో కన్నడ సూపర్ స్టార్‌ శివరాజ్‌ కుమార్‌, మలయాళ సూపర్ స్టార్‌ మోహన్‌లాల్‌ కీలక పాత్రలు పోషించారు. రమ్యకృష్ణ, తమన్నా, సునీల్‌, యోగి బాబు, జాకీ ష్రాఫ్, వినాయకన్ తదితరులు ప్రధాన పాత్రల్లో నటించారు. యంగ్‌ మ్యూజిక్‌ సెన్సేషన్‌ అనిరుధ్‌ స్వరాలు సమకూర్చారు. కాగా జైలర్ సినిమాతో చాలా ఏళ్ల తర్వాత బ్లాక్‌ బస్టర్‌ హిట్‌ అందుకున్నారు. దీంతో ‘తలైవా ఈజ్‌ బ్యాక్‌’ అంటూ రజనీ అభిమానులు తెగ ఖుషీ అవుతున్నారు. ఇప్పటికీ థియేటర్లలో జైలర్ సినిమాకు కాసుల వర్షం కురుస్తోంది. అయితే రజనీ మూవీ ఓటీటీ రిలీజ్ గురించి సామాజిక మాధ్యమాల్లో ఒక వార్త చక్కర్లు కొడుతోంది. అదేంటంటే.. నెల రోజుల్లోపే ఈ మూవీ ఓటీటీలోకి వచ్చేస్తుందట. జైలర్ సినిమా హక్కులను ప్రముఖ ఓటీటీ ప్లాట్‌ఫామ్‌ సన్ నెక్ట్స్‌ సొంతం చేసుకుంది. ఒప్పందం ప్రకారం సెప్టెంబర్‌ 7 నుంచే రజనీ మూవీ ఓటీటీలోకి అందుబాటులోకి వస్తుందని నెట్టింట వార్తలు చక్కర్లు కొడుతున్నాయి.
ఇక జైలర్ హిందీ డబ్బింగ్ వెర్షన్‌ కూడా నెట్‌ఫ్లిక్స్‌ వేదికగా అదే రోజు రిలీజ్ కానుందని సమాచారం.త్వరలోనే దీనిపై అధికారిక ప్రకటన కూడా రానుందట. జైలర్ సినిమాను తెలుగులో ఏషియన్‌ సునీల్‌ నారంగ్‌తో కలిసి దిల్‌ రాజు విడుదల చేశారు. ఇక్కడ రిలీజైన మొదటి రెండు రోజుల్లోనే బ్రేక్ ఈవెన్‌ సాధించడం విశేషం. రజనీ ఛరిష్మా, అనిరుధ్‌ బీజీఎమ్‌, ఇక శివన్నల క్యామియో రోల్స్‌ సినిమా విజయంలో కీలక పాత్ర పోషించాయి. కాగా థియేటర్లలో రిలీజైన 8 వారాల తర్వాతే ఓటీటీలోకి సినిమాలు వస్తున్నాయి. అయితే జైలర్ మాత్రం నెలరోజుల్లోపే రానుండడం గమనార్హం. ఇది రజనీ అభిమానులకు ఫుల్‌ కిక్‌ ఇచ్చే న్యూస్ అని చెప్పవచ్చు. కాగా జైలర్ ఇచ్చిన జోష్‌తో తన తర్వాతి సినిమాను త్వరగా పట్టాలెక్కించే యోచనలో ఉన్నాడు రజనీకాంత్. త్వరలోనే తన నెక్ట్స్‌ ప్రాజెక్టు గురించి ప్రకటన వెలవడనుంది.
జైలర్ ఓటీటీ స్ట్రీమింగ్ అప్ డేట్
#Jailer OTT streaming on *September – 7 pic.twitter.com/KsYkHURxm7
— RS Cinemas™ ~ OTT Updates™ (@RS_Cinemas) August 23, 2023
సన్ పిక్చర్స్ బ్యానర్ ట్విట్టర్ పోస్టులివే..
#Jailer has taken the global box office by storm ! 💥 An astounding success ❤️
Mega Blockbuster #Jailer running in theatres near you! #JailerRecordMakingBO@rajinikanth @Nelsondilpkumar @anirudhofficial @Mohanlal @NimmaShivanna @bindasbhidu @tamannaahspeaks @meramyakrishnan… pic.twitter.com/7UoprF30zL
— Sun Pictures (@sunpictures) August 23, 2023
The Tiger’s hunt is unstoppable 💥 #Jailer is creating records at the box office 😎
Mega Blockbuster #Jailer running in theatres near you! #JailerRecordMakingBO@rajinikanth @Nelsondilpkumar @anirudhofficial @Mohanlal @NimmaShivanna @bindasbhidu @tamannaahspeaks… pic.twitter.com/u7dAkzhKyY
— Sun Pictures (@sunpictures) August 22, 2023
మరిన్ని సినిమా వార్తల కోసం ఇక్కడ క్లిక్ చేయండి..
