God Father: మరోసారి ఓటీటీలో సందడి చేయనున్న అన్నయ్య.. గాడ్ ఫాదర్ స్ట్రీమింగ్ డేట్ ఫిక్స్..
ప్రస్తుతం మెగాస్టార్ భోళా శంకర్, వాల్తేరు వీరయ్య చిత్రాల్లో నటిస్తున్నారు. ప్రస్తుతం ఈ రెండు సినిమాలు శరవేగంగా షూటింగ్ జరపుకుంటున్నాయి.
Updated on: Nov 02, 2022 | 11:48 AM
డైరెక్టర్ మోహన్ రాజా దర్శకత్వంలో మెగాస్టార్ చిరంజీవి ప్రధాన పాత్రలో నటించిన సినిమా గాడ్ ఫాదర్. దసరా కానుకగా అక్టోబర్ 5న విడుదలైన ఈ సినిమా సూపర్ హిట్గా నిలిచింది. మలయాళీ చిత్రం లూసీఫర్ రీమేక్గా తెరకెక్కిన ఈ మూవీకి ఊహించని స్థాయిలో రెస్పాన్స్ సొంతం చేసుకుంది. ఇందులో సత్యదేవ్, నయనతార, సల్మాన్ ఖాన్ కీలకపాత్రలలో నటించారు. అంతేకాకుండా చాలా కాలం తర్వాత చిరు పొలిటికల్ బ్యాగ్రౌండ్ చిత్రంతో ఆడియన్స్ను మెప్పించారు. ఇక గాడ్ ఫాదర్ సినిమా ఇప్పుడు థియేటర్ రన్ ముగించకుని ఓటీటీలో సందడి చేసేందుకు సిద్ధమైంది.
ఈ సినిమా స్ట్రీమింగ్ హక్కులను ప్రముఖ ఓటీటీ సంస్థ నెట్ ఫ్లిక్స్ సొంతం చేసుకుంది. అంతేకాకుండా ఈ మూవీ స్ట్రీమింగ్ డేట్ కూడా లాక్ చేసినట్లుగా తెలుస్తోంది. మెగాస్టార్ కెరీర్లోనే డీసెంట్ హిట్గా నిలిచిన ఈ మూవీ నవంబర్ 19 నుంచి అందుబాటులోకి రానున్నట్లుగా తెలుస్తోంది. దీంతో సినీ ప్రియులు ఖుషి అవుతున్నారు. ఈ చిత్రానికి తమన్ సంగీతం అందించారు.
ఇక ఇదిలా ఉంటే.. ప్రస్తుతం మెగాస్టార్ భోళా శంకర్, వాల్తేరు వీరయ్య చిత్రాల్లో నటిస్తున్నారు. ప్రస్తుతం ఈ రెండు సినిమాలు శరవేగంగా షూటింగ్ జరపుకుంటున్నాయి. ఇక ఇటీవల విడుదలైన వాల్తేరు వీరయ్య టైటిల్ వీడియోకు అద్భుతమైన రెస్పాన్స్ వచ్చింది. ఇందులో శ్రుతి హాసన్ కథానాయికగా నటిస్తుండగా..మాస్ మాహారాజా రవితేజ అతిథి పాత్రలో కనిపించనున్నారు.
