Prince OTT: ఓటీటీలోకి వచ్చేస్తోన్న శివ కార్తికేయన్ ‘ప్రిన్స్’.. స్ట్రీమింగ్ ఎప్పుడు, ఎక్కడంటే?

కోలీవుడ్ హీరో శివ కార్తికేయన్, ‘జాతిరత్నాల’ ఫేం అనుదీప్ కెవి కలయికలో రూపొందిన చిత్రం ‘ప్రిన్స్‘. మారియా ర్యాబోషప్క హీరోయిన్‌గా నటించిన ఈ సినిమా తెలుగు, తమిళ భాషల్లో తెరకెక్కింది. కామెడీ ఎంటర్టైనర్‌గా అక్టోబర్ 21వ తేదీన ప్రేక్షకులను ముందుకు వచ్చిన ఈ మూవీకి బాక్సాఫీస్ దగ్గర కార్తి ‘సర్దార్’ పోటీనిచ్చింది. దీంతో ‘ప్రిన్స్’ మూవీ విమర్శకుల ప్రశంసలు అందుకున్నా.. ఆశించిన స్థాయిలో మాత్రం కలెక్షన్లు రాబట్టలేకపోయింది.

ఏదైతేనేం థియేటర్లలో ఈ సినిమా చూడని ఫ్యాన్స్‌కు.. ‘ప్రిన్స్’ డిజిటల్ ప్రీమియర్‌పై అప్‌డేట్ వచ్చేసింది. థియేట్రికల్ విడుదలైన సరిగ్గా నెల తర్వాత నవంబర్ 25వ తేదీ నుంచి ప్రముఖ ఓటీటీ డిస్నీ హాట్‌స్టార్‌లో ‘ప్రిన్స్’ ప్రసారం కానుంది. ఆ రోజు నుంచి తమిళం, తెలుగు భాషల్లో ఫ్యాన్స్‌కు అందుబాటులో రానుంది.

సునీల్ నారంగ్, డి.సురేష్ బాబు, పుస్కుర్ రామ్ మోహన్ రావు సంయుక్తంగా శ్రీ వెంకటేశ్వర సినిమాస్ ఎల్ ఎల్ పి, సురేష్ ప్రొడక్షన్స్, శాంతి టాకీస్ బ్యానర్లపై ఈ చిత్రాన్ని నిర్మించారు. ఈ సినిమాలో సత్యరాజ్ కీలక పాత్ర పోషించారు. పాండిచ్చేరిలో జరిగిన ఒక తమిళ అబ్బాయి, ఇంగ్లిష్ అమ్మాయి ప్రేమకథే ఈ సినిమా కథాంశం.

#PrinceSK @Siva_Kartikeyan ‘s #Prince ?️ Digital Premieres Streaming from 25th November on #DisneyPlusHotstar @DisneyPlusHS

Available in Tamil & Telugu #Prince #Maaveeran #Ayalaan pic.twitter.com/DDFKgecOCD

— Sk Ajay (@sivaajayajayap1) November 2, 2022