Kill Movie OTT: ఒంటరిగా చూడాలంటే గుండె ధైర్యం కావాలి.. ఓటీటీలోకి వచ్చేస్తోన్న యాక్షన్ థ్రిల్లర్.. స్ట్రీమింగ్ ఎక్కడంటే..

ఓటీటీలో ఎప్పటికప్పుడు కొత్త కొత్త కంటెంట్ చిత్రాలు, వెబ్ సిరీస్ తీసుకువస్తున్నారు మేకర్స్. హర్రర్ కామెడీ, సస్పెన్స్ యాక్షన్ థ్రిల్లర్ మూవీస్ తో సినీ ప్రియులను ఆకట్టుకుంటున్నారు. కానీ ఇప్పటివరకు ఇండియన్ మూవీ లవర్స్ ఎన్నడూ చూడని మోస్ట్ వయోలెంటే సినిమాను తీసుకురాబోతున్నారు. థియేటర్లలో బ్లాక్ బస్టర్ హిట్ అయిన యానిమల్ సినిమాకు మించి వయోలెన్స్ ఉన్న సినిమా. అదే కిల్. హాలీవుడ్ రీమేక్ గా వస్తున్న ఈ కొత్త యాక్షన్ థ్రిల్లర్ మూవీని ఇప్పుడు ఓటీటీలో స్ట్రీమింగ్ చేసేందుకు రెడీ అయ్యారు మేకర్స్. ఈ చిత్రాన్ని శుక్రవారం (జూలై 5) నుంచి ప్రముఖ ఓటీటీ ప్లాట్ ఫామ్ డిస్నీ ప్లస్ హాట్ స్టార్ లో స్ట్రీమింగ్ చేయనున్నారు.

ఇప్పటివరకు మూవీ లవర్స్ చూడని అత్యంత హింసాత్మక సినిమాగా రాబోతుంది కిల్. బాలీవుడ్ ప్రొడ్యుసర్ కరణ్ జోహార్, గునీత్ మోంగా, అపూర్వ మెహతా కలిసి నిర్మించిన ఈ సినిమాకు నిఖిల్ నగేష్ భట్ దర్శకత్వం వహించారు. ఇటీవల విడుదలైన ట్రైలర్ చూస్తే ఈ సినిమా హింస ఏ స్థాయిలో ఉండబోతుందో అర్థమయ్యింది. రైల్లో జరిగిన నరమేధమే ఈ మూవీ. ఈ సినిమాలో లక్ష్య రాఘవ్ జుయెల్, ఆశిష్ విధ్యార్థి, హర్ష్ చాయా, తాన్యా మణిక్ తలా, అభిషేక్ చౌహాన్ కీలకపాత్రలు పోషించారు. ఈ సినిమా ట్రైలర్ లోని ఇది ఇండియాలో ఇప్పటివరకు ఎవరూ చూడని అత్యంత హింసాత్మక సినిమా అంటూ మేకర్స్ చెప్పడం విశేషం. ఇందులో అమృత్ తులికా అనే జంట చుట్టూ తిరిగే స్టోరీ. ఈసినిమా హిందీలోనే రిలీజ్ కాబోతుంది.

కథ విషయానికి వస్తే.. రైల్లో ఓ జంట ప్రయాణిస్తుంది. అయితే ఆకస్మాత్తుగా వచ్చిన ఓ దొంగల ముఠా కత్తులు, తుపాకులతో నానా బీభత్సం సృష్టిస్తుంది. అదే సమయంలో ఆ జంట విడిపోతుంది. దీంతో హీరో చాలా క్రూరంగా మారతాడు. ఆ దొంగల ముఠాలోని సభ్యులను అత్యంత కిరాతకంగా చంపేస్తాడు. ఆ తర్వాత ఏం జరిగింది..? అసలు ఆ హీరోకు ఏమైంది ? అనేది మూవీ.

మరిన్ని సినిమా వార్తల కోసం ఇక్కడ క్లిక్ చేయండి.