John Wick 4 OTT: ఓటీటీలోకి హాలీవుడ్‌ బ్లాక్ బస్టర్ సినిమా.. జాన్‌విక్‌ 4 స్ట్రీమింగ్ ఎప్పుడు, ఎక్కడంటే?
జాన్‌ విక్‌ సిరీస్‌ సినిమాలకు ప్రపంచవ్యాప్తంగా అభిమానులు ఉన్న సంగతి తెలిసిందే. మన దేశంలోనూ ఈ యాక్షన్‌ సిరీస్‌కు పెద్ద ఎత్తున ఫ్యాన్స్‌ ఉన్నారు. అందుకు తగ్గట్టే ఈ సిరీస్‌లో ఇప్పటివరకు 4 సినిమాలు రిలీజ్‌ కాగా అన్నీ సూపర్‌ డూపర్‌ హిట్‌గా నిలిచాయి. ఇక కొన్నినెలల క్రితం విడుదలైన జాన్‌ విక్‌ ఛాప్టర్‌ 4 బాక్సాఫీస్‌ వద్ద దుమ్మురేపింది
Updated on: Jun 16, 2023 | 1:48 PM
జాన్‌ విక్‌ సిరీస్‌ సినిమాలకు ప్రపంచవ్యాప్తంగా అభిమానులు ఉన్న సంగతి తెలిసిందే. మన దేశంలోనూ ఈ యాక్షన్‌ సిరీస్‌కు పెద్ద ఎత్తున ఫ్యాన్స్‌ ఉన్నారు. అందుకు తగ్గట్టే ఈ సిరీస్‌లో ఇప్పటివరకు 4 సినిమాలు రిలీజ్‌ కాగా అన్నీ సూపర్‌ డూపర్‌ హిట్‌గా నిలిచాయి. ఇక కొన్నినెలల క్రితం విడుదలైన జాన్‌ విక్‌ ఛాప్టర్‌ 4 బాక్సాఫీస్‌ వద్ద దుమ్మురేపింది. కీను రీవ్స్ హీరోగా నటించిన ఈ సినిమా కనీవినీ ఎరుగని రీతిలో కలెక్షన్లు సాధించింది. ఓవరాల్‌గా 2000 కోట్లకు పైగా వసూళ్లు రాబట్టినట్లు ట్రేడ్‌ పండితులు తెలిపారు. మనదేశంలోనూ ఈ సినిమాకు వంద కోట్లకు పైగా వసూళ్లు వచ్చాయి. ఇలా థియేటర్లలో కాసుల వర్షం కురిపించిన జాన్‌విక్‌ 4 ఇప్పుడు ఓటీటీలోకి రానుంది. అది కూడా ఈ నెలలోనే. ప్రముఖ ఓటీటీ ప్లాట్‌ఫామ్‌ లయన్స్‌ గేట్‌ ప్లేలో జూన్‌ 23 నుంచి జాన్‌ విక్‌ 4 స్ట్రీమింగ్ కానుంది. ఇంగ్లిష్‌తో పాటు తెలుగు, తమిళ్‌, హిందీ భాషల్లో ఈ యాక్షన్‌ ఎంటర్‌ టైనర్‌ స్ట్రీమింగ్ కానుంది.
జాన్‌విక్‌ ఛాప్టర్‌ 4 సినిమాకు చాడ్ స్టాహెల్‌స్కీ దర్శకత్వం వహించారు. కీను రీవ్స్‌తో పాటు డోనీ యెన్, బిల్ స్కార్స్‌గార్డ్, లారెన్స్ ఫిష్‌బర్న్, హిరోయుకి సనాడా తదితరులు కీలక పాత్రలు పోషించారు. టైలర్ బేట్స్, జోయెల్ జె. రిచర్డ్ సంగీతం సమకూర్చారు. మరి థియేటర్లలో జాన్‌విక్‌ ఛాప్టర్‌ 4ను మిస్‌ అయిన వారు ఎంచెక్కా ఓటీటీలో చూసి ఎంజాయ్‌ చేయండి.
మరిన్ని సినిమా వార్తల కోసం క్లిక్ చేయండి..
