Nikhil siddharth: కార్తికేయ 3పై ఆసక్తికర వ్యాఖ్యలు చేసిన నిఖిల్‌.. ఒకవేళ ఈ సినిమా చేయకపోతే..
హ్యాపీడేస్‌లో మూవీలో రాజేశ్‌ పాత్రలో యూత్‌ను తెగ ఆకట్టుకున్న నిఖిల్‌.. ఇప్పుడు టాలీవుడ్‌లో క్రేజీ హీరోల్లో ఒకరిగా పేరు సంపాదించుకున్నాడు. స్వామి రారా, కార్తికేయ, కేశవ, ఎక్కడికి పోతావు చిన్నవాడా లాంటి చిత్రాలతో తనకంటూ ఓ ప్రత్యేక గుర్తింపును దక్కించుకున్నాడు. తాజాగా కార్తికేయ..
Updated on: Oct 17, 2022 | 6:45 AM
హ్యాపీడేస్‌లో మూవీలో రాజేశ్‌ పాత్రలో యూత్‌ను తెగ ఆకట్టుకున్న నిఖిల్‌.. ఇప్పుడు టాలీవుడ్‌లో క్రేజీ హీరోల్లో ఒకరిగా పేరు సంపాదించుకున్నాడు. స్వామి రారా, కార్తికేయ, కేశవ, ఎక్కడికి పోతావు చిన్నవాడా లాంటి చిత్రాలతో తనకంటూ ఓ ప్రత్యేక గుర్తింపును దక్కించుకున్నాడు. తాజాగా కార్తికేయ 2 చిత్రంతో ఒక్కసారిగా దేశం దృష్టిని తనవైపు ఆకర్షించాడు. తక్కువ బడ్జెట్‌తో తెరకెక్కిన ఈ సినిమా బాక్సాఫీస్‌ ముందు సంచలన విజయాన్ని నమోదు చేసుకుంది. ఇక కార్తికేయ 2 భారీ విషయాన్ని అందుకుందో లేదో కార్తికేయ పార్ట్‌3పై వార్తలు మొదలయ్యాయి. సినిమా ఎండింగ్‌లో పార్ట్‌ 3 ఉంటుందని దర్శకుడు చెప్పకనే చెప్పడంతో అప్పుడే క్యూరియాసిటీ మొదలైంది.
ఈ నేపథ్యంలో తాజాగా ఓ ఇంగ్లిష్‌ మీడియాకు ఇచ్చిన ఇంటర్వ్యూలో నిఖిల్‌కు ఇదే ప్రశ్న ఎదురైంది. కార్తికేయ సీక్వెల్‌పై స్పందించిన నిఖిల్‌.. ‘కార్తికేయ సినిమా తీస్తున్నప్పుడు దానికి సీక్వెల్‌ అనుకోలేదు. కానీ.. నేను ఎక్కడికి వెళ్లినా ‘కార్తికేయ2’ ఎప్పుడు తీస్తారు’ అని అడిగే వాళ్లు. ప్రేక్షకులు ఆ సినిమాను అంతగా కోరుకున్నారు. ఇప్పుడు కార్తికేయ-3 గురించి కూడా అలానే అడుగుతున్నారు. ఈ సినిమా అతి తర్వలోనే ప్రారంభం కానుంది’ అని చెప్పుకొచ్చాడు. ఒక తాను కార్తికేయ-3 చేయకపోతే అభిమానులు ఏమంటారో తెలియదు కానీ… మా అమ్మ మాత్రం నన్ను వదలదు అంటూ చమత్కరించాడు నిఖిలు.
ఇక ట్రిపులార్‌ మూవీ ఆస్కార్ ఎంట్రీకి సంబంధించి నిఖిల్‌ మరోసారి స్పందించాడు. ట్రిపులార్‌, కశ్మీర్‌ ఫైల్స్‌ తనకు ఎంతగానో నచ్చాయన్న నిఖిల్‌ ఆ చిత్రాలకు ఆస్కార్ అవార్డ్‌ వస్తే సంతోషమేనని, అయితే అదే ముఖ్యమైందని కాదన్నారు. ప్రేక్షకుల ప్రేమాభిమానాలు అవార్డుల కంటే గొప్పవని నిఖిల్‌ అభివర్ణించారు.
మరిన్ని సినిమా వార్తల కోసం క్లిక్ చేయండి..
