Manchu Lakshmi: కన్నీటి పర్యంతమైన మంచు లక్ష్మి.. ఏదో తెలియని బాధ అంటూ ఎమోషనల్ వీడియో..
Manchu Lakshmi: సినిమాలతో నిత్యం బిజీగా ఉండే మంచు లక్ష్మి సోషల్ మీడియాలోనూ యాక్టివ్గా ఉంటారనే విషయం తెలిసిందే. తన సినిమా వివరాలతో పాటు వ్యక్తిగత జీవితానికి సంబంధించిన వివరాలను ఎప్పటికప్పుడు సోషల్ మీడియా...
Updated on: Jul 25, 2022 | 12:29 PM
Manchu Lakshmi: సినిమాలతో నిత్యం బిజీగా ఉండే మంచు లక్ష్మి సోషల్ మీడియాలోనూ యాక్టివ్గా ఉంటారనే విషయం తెలిసిందే. తన సినిమా వివరాలతో పాటు వ్యక్తిగత జీవితానికి సంబంధించిన వివరాలను ఎప్పటికప్పుడు సోషల్ మీడియా వేదికగా పోస్ట్ చేయడం ఈ మంచువారమ్మాయికి అలవాటు. ముఖ్యంగా కూతురు విద్యా నిర్వాణతో గడిపిన సంతోష క్షణాలను ఫ్యాన్స్తో పంచుకుంటారు లక్ష్మి. ఈ క్రమంలోనే తాజాగా ఇన్స్టాగ్రామ్ రీల్స్లో మంచు లక్ష్మి ఓ ఎమోషనల్ వీడియోను పోస్ట్ చేశారు.
తన కుమార్తె విద్యా నిర్వాణను స్కూల్కి పంపించిన సందర్భంగా మంచు లక్ష్మి ఎమోషన్కు గురయ్యారు. ఈ వీడియో ఆమె మాట్లాడుతూ.. ‘లాక్డౌన్ సమయంలో స్కూల్స్ మూసేసినప్పుడు పిల్లలంతా ఇళ్లలోనే ఉండిపోయారు. అలాంటి సమయంలో విద్యాను 24 గంటలూ ఎలా తట్టుకోవాలి.? అని అనుకున్నాను. కానీ రెండేళ్లు ఇంట్లోనే ఉండడంతో మా ఇద్దరి మధ్య ప్రేమ ఎంతగానో పెరిగింది. ఇప్పుడు దాదాపు రెండేళ్ల తర్వాత విద్యాను స్కూల్కి పంపించి, వస్తుంటే ఏదో తెలియని బాధగా ఉంది. విద్యాకు దూరంగా ఉండడం ఇంత కష్టంగా ఉంటుందని, జీవితో ఊహించలేదు. త్వరలోనే దీనికి అలవాటుపడతానని అనుకుంటున్నా’ అంటూ కన్నీరు పెట్టుకుంది లక్ష్మి.
ఇదిలా ఉంటే కరోనా లాక్డౌన్ సమయంలో కూతురు విద్యతో కలిసి మంచు లక్ష్మి ఓ యూట్యూబ్ ఛానల్ను నిర్వహించిన విషయం తెలిసిందే. ‘చిట్టి చిలకమ్మ’ పేరుతో యూట్యూబ్ ఛానల్ను ఏర్పాటు చేశారు. ఇందులో కూతురుతో కలిసి తీసిన ఫన్నీ వీడియోలను అప్లోడ్ చేసింది. ఈ ఛానల్కు ఇప్పటి వరకు 1,32,000కిపైగా మంది సబ్స్ర్కైబ్ చేసుకోవడం విశేషం.
మరిన్ని సినిమా వార్తల కోసం క్లిక్ చేయండి..
