Kareena Kapoor: తైమూర్‌కు ఆ మాట చెబితే నాపైనే అరుస్తాడు.. ఆసక్తికర విషయాలు వెల్లడించిన కరీనా..

కరీనా కపూర్‌ - సైఫ్‌ అలీఖాన్‌లకు తైమూర్ అలీ ఖాన్, జహంగీర్ అలీఖాన్ అనే ఇద్దరు ముద్దుల తనయులు ఉన్న సంగతి తెలిసిందే. వీరిలో చిన్న పిల్లాడు జహంగీర్‌ సంగతి పక్కన పెడితే పెద్ద కుమారుడు తైమూర్ అలీ ఖాన్‌కు సోషల్‌ మీడియాలో ఎంతో క్రేజ్‌ ఉంది

Basha Shek |

Updated on: Nov 25, 2021 | 9:21 PM

కరీనా కపూర్‌ – సైఫ్‌ అలీఖాన్‌లకు తైమూర్ అలీ ఖాన్, జహంగీర్ అలీఖాన్ అనే ఇద్దరు ముద్దుల తనయులు ఉన్న సంగతి తెలిసిందే. వీరిలో చిన్న పిల్లాడు జహంగీర్‌ సంగతి పక్కన పెడితే పెద్ద కుమారుడు తైమూర్ అలీ ఖాన్‌కు సోషల్‌ మీడియాలో ఎంతో క్రేజ్‌ ఉంది. సెలబ్రిటీలతో సమానంగా పాపులారిటీ సాధించుకున్నాడీ స్టార్‌ కిడ్‌. తైమూర్‌ ఎక్కడ కనిపించినా అతడి ఫొటోలు, వీడియోల కోసం ఎగబడుతుంటారు. ఈ నేపథ్యంలో తైమూర్‌ గురించి ఆమె తల్లి కరీనా కొన్ని ఆసక్తికర విషయాలు పంచుకుంది. జహంగీర్‌ చాలా సైలెంట్‌గా ఉంటాడని, తైమూర్‌ మాత్రం బాగా విసిగిస్తున్నాడని చెప్పుకొచ్చింది. ఇటీవల ఓ ఇంటర్వ్యూకు హాజరైన కరీనాను ‘బయటకు వెళ్లి ఆడుకోమని మీ కుమారులను ప్రోత్సహిస్తారా’? అన్న ప్రశ్న ఎదురైంది. దీనికి సమాధానమిస్తూ పలు ఆసక్తికర విషయాలు చెప్పుకొచ్చిందీ అందాల తార.

‘నా పిల్లలు ఎంతో చురుగ్గా ఉంటారు. జహంగీర్‌ సంగతి పక్కన పెడితే తైమూర్ అయితే ఒక్క నిమిషం కూడా కుదురుగా కూర్చోడు. నిద్ర లేచినప్పటి నుంచి రాత్రి పడుకునే వరకు తిరుగుతూనే ఉంటాడు . మేం ప్రస్తుతం పటౌడీ ప్యాలెస్‌లో ఉంటున్నాం. ఆ ప్యాలెస్‌లో ఎంత ఖాళీ స్థలం ఉంటుందో, ఎన్ని చెట్లు ఉంటాయో అందరికీ తెలిసిందే. నిత్యం ప్యాలెస్‌ చుట్టూ పరిగెడుతుంటాడు. చెట్లను ఎక్కేందకు ప్రయత్నిస్తుంటాడు. నిజం చెప్పాలంటే వాడు నన్ను విసిగిస్తున్నాడు. ఒక్కోసారి కొంచెం కామ్‌గా ఉండమని చెబితే నా మీదే అరుస్తాడు. తనకు సెలవులు ఉన్నాయని.. ఎందుకు ఆడుకోకుండా కామ్‌గా ఉండమని చెబుతావంటూ గట్టిగా అరుస్తాడు’ అని కరీనా పేర్కొంది. ఇక సినిమాల విషయానికొస్తే.. కరీనా ప్రస్తుతం అమిర్‌ ఖాన్ హీరోగా తెరకెక్కుతోన్న ‘లాల్ సింగ్ చద్ధా’ అనే సినిమాలో నటిస్తోంది. ఈ చిత్రంలో టాలీవుడ్ యంగ్ హీరో నాగచైతన్య ఓ కీలక పాత్ర పోషిస్తున్నాడు.