Okkadu Re Release: మహేష్ ఫ్యాన్స్కు గుడ్ న్యూస్.. ఒక్కడు రీ రిలీజ్కు డేట్ ఫిక్స్.. ఎప్పుడంటే..
ఒకప్పుడు వెండి తెరపై భారీ విజయాన్ని అందుకున్న చిత్రాలను తిరిగి విడుదల చేయడం ఇప్పుడు ఒక ట్రెండ్లా నడుస్తోంది. ప్రత్యేక రోజుల్లో పాత సినిమాలను మళ్లీ థియేటర్లలో విడుదల చేస్తున్నారు మేకర్స్. ఈ క్రమంలో..
ఒకప్పుడు వెండి తెరపై భారీ విజయాన్ని అందుకున్న చిత్రాలను తిరిగి విడుదల చేయడం ఇప్పుడు ఒక ట్రెండ్లా నడుస్తోంది. ప్రత్యేక రోజుల్లో పాత సినిమాలను మళ్లీ థియేటర్లలో విడుదల చేస్తున్నారు మేకర్స్. ఈ క్రమంలో ఇప్పటికే పలు చిత్రాలు మళ్లీ విడుదలై సందడి చేశాయి. మహేష్ బాబు నటించిన పోకిరీ చిత్రం మళ్లీ థియేటర్లలో విడుదలై భారీ విజయాన్ని సొంతం చేసుకుంది. ఇదిలా ఉంటే తాజాగా మహేష్ హీరోగా నటించిన మరో చిత్రం ‘ఒక్కడు’ కూడా వెండి తెరపై సందడి చేసేందుకు సిద్ధమైంది.
మహేష్ కెరీర్లో ఒక్కడు చిత్రానికి ఉన్న ప్రాధాన్యత ఎలాంటిదో ప్రత్యేకంగా చెప్పాల్సిన పనిలేదు. 2003 జనవరిలో విడుదలైన ఈ సినిమా అప్పట్లో ఓ సంచనలం. బాక్సాఫీస్ వద్ద కలెక్షన్ల వర్షం కురిపించిన ఈ సినిమా రికార్డు సెట్టర్గా నిలిచింది. భూమిక హీరోయిన్గా, ప్రకాశ్ రాజ్ విలన్ పాత్రలో నటించారు. ఇదిలా ఉంటే ఈ సినిమా విడుదలై 20 ఏళ్లు గడుస్తోన్న నేపథ్యంలో మళ్లీ విడుదల చేయడానికి చిత్ర యూనిట్ సన్నాహాలు చేస్తోంది. ప్రపంచవ్యాప్తంగా ఎంపిక చేసిన కొన్ని థియేటర్లలో ఒక్కడు మూవీని రీ రిలీజ్ చేయనున్నారు.
2023 జవవరి 7వ తేదీన ఒక్కడు చిత్రాన్ని రీరిలీజ్ చేయనున్నారు. రెండు తెలుగు రాష్ట్రాల్లోనూ భరీ ఎత్తున సినిమాను విడుదల చేయడానికి ఇప్పటికే ప్లానింగ్స్ మొదలు పెట్టారు. ఇదిలా మహేష్ బాబు ప్రస్తుతం త్రివిక్రమ్ శ్రీనివాస్ దర్శకత్వంలో ఓ సినిమాలో నటిస్తున్నారు. మహేష్ 28వ చిత్రంగా తెరకెక్కుతోన్న ఈ సినిమాలో పూజాహెగ్డే హీరోయిన్గా నటిస్తుండగా, శ్రీలీల మరో కీలక పాత్రలో నటిస్తోంది. ఇక ఈ సినిమా పూర్తి కాగానే మహేష్ రాజమౌళి దర్శకత్వంలో నటించనున్న విషయం తెలిసిందే.
మరిన్ని సినిమా వార్తల కోసం క్లిక్ చేయండి..