Kantara: కాంతార మూవీ లవర్స్కి గుడ్ న్యూస్.. ‘వరాహ రూపం’ వచ్చేస్తోంది..
కన్నడ నాట విడుదలైన దేశం దృష్టిని ఆకర్షించిన చిత్రం 'కాంతార'. చిన్న సినిమాగా విడుదలై భారీ విజయాన్ని అందుకుందీ చిత్రం. కేవలం రూ. 16 కోట్లతో తెరకెక్కిన ఈ సినిమా ప్రపంచవ్యాప్తంగా రూ. 400 కోట్లను రాబట్టి సంచలనం సష్టించిందీ సినిమా. తెలుగులోనూ భారీ విజయాన్ని నమోదు చేసుకుంది...
Updated on: Nov 25, 2022 | 7:10 PM
కన్నడ నాట విడుదలైన దేశం దృష్టిని ఆకర్షించిన చిత్రం ‘కాంతార’. చిన్న సినిమాగా విడుదలై భారీ విజయాన్ని అందుకుందీ చిత్రం. కేవలం రూ. 16 కోట్లతో తెరకెక్కిన ఈ సినిమా ప్రపంచవ్యాప్తంగా రూ. 400 కోట్లను రాబట్టి సంచలనం సష్టించిందీ సినిమా. తెలుగులోనూ భారీ విజయాన్ని నమోదు చేసుకుంది. థియేటర్లలో ప్రేక్షకులను ఆకట్టుకున్న కాంతార మూవీ ప్రస్తుతం ఓటీటీలో సందడి చేస్తోంది. అమెజాన్ ప్రైమ్ వేదికగా స్ట్రీమింగ్ అవుతోన్న కాంతారకు మూవీకి సంబంధించి ఓ వార్త అభిమానులను నిరాశపరించింది. సినిమాకు హైలెట్గా నిలిచిన ‘వరాహ రూపం’ పాటను ఓటీటీలో తొలగించిన విషయం తెలిసిందే.
వరాహరూపం పాటపై మలయాళ బ్యాండ్ ‘తెయ్యికుడుం బ్రిడ్జ్’ ఈచిత్రంలోని పాటపై న్యాయపోరాటానికి దిగింది. దీంతో వరాహ రూపం పాటలోని మ్యూజిక్ తొలగించే ఓటీటీ స్ట్రీమింగ్ మొదలు పెట్టారు. అయితే దీనిపై విచారణ చేపట్టిన కేరళలోని కోజికోడ్ కోర్టు వారి పిటిషన్ కొట్టివేసింది. వరాహ రూపం పాట ప్రదర్శనపై మధ్యంతర ఉత్తర్వులను ఎత్తివేసింది. దీంతో ఈ పాటకోసం ఎంతో ఆతృతగా ఎదురు చూసినా అభిమానులకు నిరాశ ఎదురైంది.
కోర్టు తీర్పునిచ్చిన నేపథ్యంలో ఈ పాట ప్రేక్షకులకు అందుబాటులోకి రానుంది. పాట స్ట్రీమింగ్కు అన్ని అడ్డంకులు తొలగిపోవడంతో చిత్ర యూనిట్ వరాహం పాటను తిరిగి యాడ్ చేయనున్నట్లు సమాచారం. దీంతో కాంతార మూవీ లవర్స్ ఫుల్ ఖుషీ అవుతున్నారు. ఇన్ని రోజులుగా వరాహ రూపం పాట చుట్టూ నెలకొన్ని వివాదానికి కోర్టు తీర్పుతో తెరపడింది.
మరిన్ని సినిమా వార్తల కోసం క్లిక్ చేయండి..
