F3 Movie : నూతన సంవత్సరానికి కరెన్సీ నోట్లతో వెల్కమ్ చెప్పిన వెంకటేష్, వరుణ్ తేజ్

F3 Movie : అనీల్ రవి పూడి దర్శకత్వంలో విక్టరీ వెంకటేష్-వరుణ్ తేజ్ నటించిన ‘ఎఫ్2’ మంచి విజయాన్ని సొంతం చేసుకుంది. త్వరలో ఈ సినిమాకు సీక్వెల్ ను ప్రేక్షకుల ముందుకు తీసుకు రానున్నాడు దర్శకుడు అనీల్.  ‘ఎఫ్3’ టైటిల్ తో ఈ సినిమాను తెరకెక్కిస్తున్నాడు. విక్టరీ వెంకటేష్- వరుణ్ తేజ్ హీరోలుగా తమన్నా – మెహరీన్ హీరోయిన్లుగా ఈ సినిమా తెరకెక్కుతుంది. శ్రీ వెంకటేశ్వర క్రియేషన్స్ బ్యానర్ పై దిల్ రాజు  ఈ సినిమాను నిర్మిస్తున్నారు.

ఈ సినిమా షూటింగ్ ఇటీవలే ప్రారంభమైంది. తాజాగా నూతన సంవత్సరాన్ని పురస్కరించుకుని శుభాకాంక్షలు తెలియజేస్తూ శుక్రవారం కొత్త పోస్టర్ ని చిత్ర యూనిట్ విడుదల చేసింది. ఈ పోస్టర్ లో కరెన్సీ నోట్లు గాల్లో ఎగురుతుండగా వెంకటేష్ -వరుణ్ తేజ్ లు వాటిని చూస్తూ ఆనందంలో తేలిపోతున్నట్టు కనిపిస్తున్నారు. ఈ పోస్టర్ చూస్తుంటే ఫన్ అండ్ ఫ్రస్టేషన్ కి ఫైనాన్స్ ని యాడ్ చేస్తున్నట్లు తెలుస్తోంది. ఇక ముందునుంచి ఈ సినిమాలో త్రిబుల్ ఫన్ ఉంటుందని దర్శకుడు అనీల్ చెప్పుకుంటూ వస్తున్నారు.

also read : Actress Dia Mirza : ఒక్కసారి తెలుగు నేర్చుకుంటే పూర్తిగా మర్చిపోలేం అంటున్న బాలీవుడ్ బ్యూటీ