Dasara movie: మాములు మాస్‌ బీట్‌ కాదు భయ్యో.. దుమ్ము రేపుతోన్న నాని దసరా ఫస్ట్‌ సింగిల్‌..
నాని హీరోగా తెరకెక్కుతోన్న చిత్రం 'దసరా'. శ్రీకాంత్‌ ఓదెల దర్శకత్వం వహిస్తున్న ఈ సినిమాను పాన్‌ ఇండియా స్థాయిలో భారీగా తెరకెక్కిస్తున్నారు. రామగుండం బొగ్గు గనుల నేపథ్యంలో రానున్న ఈ సినిమాలో...
Updated on: Oct 04, 2022 | 10:22 AM
నాని హీరోగా తెరకెక్కుతోన్న చిత్రం ‘దసరా’. శ్రీకాంత్‌ ఓదెల దర్శకత్వం వహిస్తున్న ఈ సినిమాను పాన్‌ ఇండియా స్థాయిలో భారీగా తెరకెక్కిస్తున్నారు. రామగుండం బొగ్గు గనుల నేపథ్యంలో రానున్న ఈ సినిమాలో నాని పూర్తి స్థాయి మాస్‌ లుక్‌లో కనిపిస్తున్నారు. ఇందులో నానికి జోడిగా కీర్తి సురేష్ నటిస్తోంది. ఫస్ట్‌లుక్‌, టీజర్స్‌తో ఇప్పటికే సినిమాపై భారీగా అంచనాలు పెరిగాయి. ప్రస్తుతం శరవేగంగా షూటింగ్ జరుపుకుంటోన్న ఈ సినిమా ప్రమోషన్స్‌లో భాగంగా ఫస్ట్‌ సింగిల్‌ను విడుదల చేసింది.
‘ధూమ్‌ ధామ్‌ దోస్తాన్‌’ ఫుల్‌ లిరికల్‌ సాంగ్‌ను చిత్ర యూనిట్‌ విడుదల చేసింది. ఈ సాంగ్‌తో సినిమా ఎలా ఉండనుందని మేకర్స్‌ క్లారిటీ ఇచ్చారు. దసరా పండుగను పురస్కరించుకొని విడుదల చేసిన ఈ పాట ప్రేక్షకులకు విపరీతంగా ఆకట్టుకుంటోంది. ముఖ్యంగా పాటలో తెలంగాణ జానపదం, యాస ఆకట్టుకునేలా ఉన్నాయి. అంతేకాకుండా ఈ సాంగ్‌లో కనకవ్వ పాడిన ‘బతుకమ్మ’ పాటను కూడా చేర్చడం విశేషం.
ఇక నాని లుక్‌ ప్రత్యేక ఆకర్షణగా నిలిచింది. కెరీర్‌లో నాని తొలిసారి పూర్తి స్థాయిలో మాస్‌ లుక్‌లో కనిపించారు. బొగ్గు గనుల్లో పాటను చిత్రీకరించారు. సంతోష్‌ నారాయణ్‌ కంపోజ్‌ చేసిన ఈ పాటకు రాహుల్ సిప్లిగంజ్, పాలమూరు జంగిరెడ్డి, నర్సమ్మ, గొట్టె కనకవ్వ, గన్నోర దాస లక్ష్మి గాత్రం అందించారు. వచ్చే ఏడాది మార్చి 30వ తేదీన ఈ చిత్రాన్ని విడుదల చేయడానికి సన్నాహాలు చేస్తున్నారు.
మరిన్ని సినిమా వార్తల కోసం క్లిక్ చేయండి..
