హ్యాపీ బర్త్‌డే ‘చందమామ’

టాలీవుడ్ చందమామ కాజల్ అగర్వాల్ ఇవాళ34వ పుట్టినరోజును జరుపుకుంటోంది. ఈ సందర్భంగా సినీ ప్రముఖులు, అభిమానులు సోషల్ మీడియాలో ఆమెకు శుభాకాంక్షలు చెబుతున్నారు. ‘ది ఎవర్ గ్రీన్ దివ’ అంటూ ఆమెపై ప్రశంసలు కురిపిస్తున్నారు. వారిలో దర్శకులు సుధీర్ వర్మ, ప్రశాంత్ వర్మ, హీరోయిన్లు తమన్నా, సమంత, మంజిమా మోహన్, ఈషా రెబ్బా, వెన్నెల కిశోర్, గీతా ఆర్ట్స్, సందీప్ కిషన్, నీరజ కోన, యాంకర్ ప్రదీప్ తదితరులు ఉన్నారు.

కాగా ఇటీవల ‘సీత’తో ప్రేక్షకుల ముందుకు వచ్చింది కాజల్. ఈ మూవీ పరాజయం పాలైనప్పటికీ.. అందులో కాజల్ నటనకు అందరూ ప్రశంసలు కురిపించారు. ఇక ఆమె నటించిన ‘రణరంగం’, ‘కోమలి’, ‘పారిస్ పారిస్’ చిత్రాలు విడుదలకు సిద్ధంగా ఉన్నాయి. వీటితో పాటు తేజ దర్శకత్వంలో కాజల్ మరోసారి నటించబోతున్నట్లు టాలీవుడ్‌లో వార్తలు వినిపిస్తున్నాయి.