Akshay Khanna: జీవితంలో తాను పెళ్లి చేసుకోను అంటున్న 48 ఏళ్ల బ్రహ్మచారి అక్షయ్ ఖన్నా.. రీజన్ వింటే షాక్
ఓ ఇంటర్వ్యూలో అక్షయ్ ఖన్నా తన వ్యక్తిగత జీవితానికి సంబంధించిన పలు విషయాలను వెల్లడించారు. తాను ఇంతవరకు ఏ అమ్మాయితో సహజీవనం చేయలేదని చెప్పాడు. ఎందుకు పెళ్లి చేసుకోలేదో రీజన్ కూడా చెప్పాడు
Updated on: Mar 28, 2023 | 11:18 AM
బాలీవుడ్ చిత్ర పరిశ్రమలోని ప్రసిద్ధ నటుల్లో ఒకరు అక్షయ్ ఖన్నా . తండ్రి వినోద్ ఖన్నా వారసత్వాన్ని అందుకుని బాలీవుడ్ లో అడుగు పెట్టాడు. స్టార్ కిడ్ అయినప్పటికీ చాలా కష్టపడాల్సి వచ్చింది. తండ్రి వినోద్ ఖన్నాకు విపరీతమైన పాపులారిటీ ఉన్నప్పటికీ, అక్షయ్ తండ్రి స్థానాన్ని అందుకోలేకపోయాడు. అక్షయ్ ఖన్నా 1997లో హిమాలయ పుత్ర చిత్రంతో బాలీవుడ్‌లోకి అడుగుపెట్టాడు. తొలి సినిమాలోనే బెస్ట్ డెబ్యూ అవార్డు అందుకున్నాడు. బోర్డర్, ఆ అబ్ లౌట్ చలేన్, తాల్, దిల్ చహతా హై వంటి సూపర్ హిట్ సినిమాల్లో నటించినా తండ్రికి ఉన్న పేరుని ప్రఖ్యాతలను చేరుకోలేదు.
మరోవైపు అక్షయ్ ఖన్నా వ్యక్తిగత జీవితం గురించి మాట్లాడితే.. 48 ఏళ్ల వయస్సులో కూడా బ్రహ్మచారినే. అక్షయ్ పుట్టినరోజు సందర్భంగా ఇచ్చిన ఓ ఇంటర్వ్యూలో తాను ఎందుకు పెళ్లి చేసుకోవాలని అనుకోలేదో వెల్లడించాడు.
ఓ ఇంటర్వ్యూలో అక్షయ్ ఖన్నా తన వ్యక్తిగత జీవితానికి సంబంధించిన పలు విషయాలను వెల్లడించారు. తాను ఇంతవరకు ఏ అమ్మాయితో సహజీవనం చేయలేదని చెప్పాడు. ఎందుకు పెళ్లి చేసుకోలేదో రీజన్ కూడా చెప్పాడు. తాను పెళ్లిని ఓ సీరియస్ విషయంగా చూడనని నటుడు అక్షయ్ వెల్లడించాడు. అంతేకాదు మనిషి జీవితాన్ని వైవాహిక జీవితం ప్రభావితం చేస్తుంది.
అంతేకాదు.. పెళ్లి మీద తన అభిప్రాయం గురించి అక్షయ్ ఖన్నా ఇంకా మాట్లాడుతూ.. వివాహం అనేది జీవితంలో ప్రతిదీ మార్చే విషయం. తాను తన జీవితంపై నియంత్రణ కలిగి ఉండటానికి ఇష్టపడతానని చెప్పాడు. అందువల్ల.. తన జీవితాన్ని నియంత్రించడం ప్రారంభించే ఓ యువతిని తన జీవితంలోకి ఆహ్వానం పలకాలని తాను అందుకోలేదని..అలాంటి వ్యక్తి తమ జీవితంలో ఎప్పుడూ రావడం తనకు ఇష్టం లేదని స్పష్టం చేశాడు.
