Bimbisara: బింబిసార అభిమానులకు పండుగ లాంటి వార్త.. అదిరిపోయే అప్డేట్ ఇచ్చిన డైరెక్టర్..
కళ్యాణ్ రామ్ హీరోగా వచ్చిన బింబిసార ఎంతటి విజయాన్ని అందుకుందో ప్రత్యేకంగా చెప్పాల్సిన పనిలేదు. బింబిసారుడు అనే రాజు కథను ఆధారంగా చేసుకొని తెరకెక్కిన ఈ సోషియో ఫాంటసీ మూవీ ప్రేక్షకులకు విపరీతంగా ఆకట్టుకుంది. వశిష్ట్ దర్శకత్వం వహించిన ఈ సినిమాలో..
Updated on: Oct 28, 2022 | 8:14 PM
కళ్యాణ్ రామ్ హీరోగా వచ్చిన బింబిసార ఎంతటి విజయాన్ని అందుకుందో ప్రత్యేకంగా చెప్పాల్సిన పనిలేదు. బింబిసారుడు అనే రాజు కథను ఆధారంగా చేసుకొని తెరకెక్కిన ఈ సోషియో ఫాంటసీ మూవీ ప్రేక్షకులకు విపరీతంగా ఆకట్టుకుంది. వశిష్ట్ దర్శకత్వం వహించిన ఈ సినిమాలో టైమ్ ట్రావెలింగ్ సబ్జెక్ట్ను చాలా ఆసక్తికరంగా చూపించాడు. తక్కువ బడ్జెట్లోనే భారీ విజువల్స్తో సినిమాను తెరకెక్కించిన విధానం ప్రేక్షకులతో పాటు ఇండస్ట్రీని సైతం మెస్మరైజ్ చేసింది. బాక్సాఫీస్ ముందు కలెక్షన్ల వర్షం కురిపించిన ఈ సినిమా ప్రస్తుతం ఓటీటీలోనూ దూసుకుపోతోంది.
ఇదిలా ఉంటే ఈ సినిమా విడుదలైన నాటి నుంచి.. బింబిసారా సీక్వెల్కు సంబంధించి వార్తలు వచ్చిన విషయం తెలిసిందే. అయితే దీనిపై చిత్ర యూనిట్ ఎలాంటి అధికారిక ప్రకటన మాత్రం చేయలేదు. అయితే తాజాగా దర్శకుడు సీక్వెల్పై ఎట్టకేలకు అధికారికంగా స్పందించాడు. తాజాగా ఓ ఆంగ్ల మీడియాకు ఇచ్చిన ఇంటర్వ్యూలో పలు ఆసక్తికర విషయాలను పంచుకున్నారు. బింబిసార సీక్వెల్ ఉంటుందనే విషయాన్ని ప్రకటించాడు.
ఈ సందర్భంగా దర్శకుడు వశిష్ట మాట్లాడుతూ.. ‘బింబిసారను ఎంతగానో ఆదరించిన ప్రేక్షకులు ప్రస్తుతం సీక్వెల్ కోసం ఎంతో ఆతృతగా ఎదురు చూస్తున్నారు. ప్రేక్షకుల అంచనాలకు తగ్గట్లుగానే బింబిసార సీక్వెల్ను తెరకెక్కించనున్నాము’ అని చెప్పుకొచ్చారు. అయితే కళ్యాణ్ రామ్ ప్రస్తుతం నటిస్తున్న ప్రాజెక్టులు పూర్తి అయిన తర్వాత బింబిసార-2 షూటింగ్ ప్రారంభిస్తామని దర్శకుడు క్లారిటీ ఇచ్చాడు. ఇదిలా ఉంటే కళ్యాణ్ రామ్ ప్రస్తుతం నవీన్ మేడారం దర్శకత్వంలో ఓ సినిమాలో నటిస్తోన్న విషయం తెలిసిందే.
మరిన్ని సినిమా వార్తల కోసం క్లిక్ చేయండి..
