శ్రీముఖి పెళ్లైతే ఆమె భర్త పరిస్థితి ఏంటో..? రాహుల్ అమాయకపు ప్రశ్న

బుల్లితెరపై బిగ్ బాస్ 3 సంచలనం కొనసాగుతోంది. ఇక ప్రతి రోజు లాగే గురువారం నాటి ఎపిసోడ్‌ పొద్దునే పాటతో మొదలైంది, ఆ పాటను శ్రీముఖి, బాబా భాస్కర్‌ మాస్టర్‌లు అదిరిపోయే స్టెప్పులు వేశారు. ఆ తరువాతి నుంచి.. హౌస్‌ సభ్యులు గ్రూపులుగా విడిపోయి యధావిధిగా గుసగుసలు మొదలు పెట్టారు. వారిలో రాహుల్, వరుణ్‌లు హౌస్‌కి కెప్టెన్‌గా ఉన్న శ్రీముఖిని టార్గెట్ చేస్తూ జోకులేసుకున్నారు. ‘‘శ్రీముఖి లౌడ్ స్పీకర్‌ అని పెళ్లి అయితే తన భర్త పరిస్థితి ఏంటో’’ అని రాహుల్ అమాయకంగా వరుణ్‌ని అడిగాడు. దానికి వరుణ్ సమాధానం ఇస్తూ.. ‘‘ఏమో నాకేం తెలుసు.. పెళ్లి అయ్యాక కూడా ఆమె అలాగే అరుస్తుందేమో.. ఒకవేళ అలాగే అరిస్తే అరుపులు వినిపించకుండా ఆమె భర్త ఇయర్ ఫ్లగ్స్ కొనుక్కుంటాడేమో’’ అంటూ రాహుల్ డౌట్‌ను క్లియర్ చేసే ప్రయత్నం చేశాడు.

మరోవైపు పునర్నవి గురించి రాహుల్, వరుణ్‌తో మాట్లాడుతూ.. ‘‘పునర్నవి నన్ను ఉదయాన్నే వెధవ అని తిట్టిడంతోనే స్టార్ట్ చేసింది. ఎందుకో తెలియడం లేదు’’ అని చెప్పాడు. దానికి వరుణ్ సమాధానం ఇస్తూ.. ‘‘ఇష్టంతో తిడుతుంది బ్రో’’ అంటూ సర్ధి చెప్పాడు. మరో సందర్భంలో రాహుల్, డెటాల్‌ను ఎక్కువ వాడేస్తున్నాడంటూ పునర్నవి, రాహుల్ పై అరిచింది. దీనికి ‘‘రాహుల్ ముందు తెలుసుకుని మాట్లాడు.. అరవకు’’ అంటూ అక్కడి నుంచి వెళ్లిపోయాడు. ఇక ‘‘వాళ్ల మధ్యన మనం ఎవరైనా వెళ్తే బిస్కెట్ అవుతాం లైట్ తీసుకో’’ అంటూ శ్రీముఖికి వితికా సూచించింది.  ఆ తరువాత దీనిపై శ్రీముఖి, బాబా బాస్కర్‌తో మాట్లాడుతూ.. ‘‘వీళ్లు సీరియస్‌గా గొడవ పడుతున్నారా? ఊరికే అలా చేస్తున్నారా.. అర్ధం కావడం లేదు. ఇంతసేపు గొడవ పడి ఇప్పుడేమో ఒకరితో ఒకరు సరదాగా ఆడుకుంటున్నారు ఏంటి’’ అని అడిగింది. మరోవైపు లోపల పునర్నవిని కాకాపట్టే పనిలో భాగంగా రాహుల్ ఆమెకు మసాజ్ చేశాడు. పునర్నవి అభిమాన సంఘానికి పీఏగా ఉంటా.. పీఆర్వోగా ఉంటా అంటూ ఆమె చేతులు పట్టుకుని నొక్కుతూ సరసాలు ఆడాడు రాహుల్.