Prabhas: అట్లుంటది మరి ప్రభాస్‌తో.. ఆది పురుష్‌ తెలుగు థియేట్రికల్‌ రైట్స్‌ ఎన్ని రూ. కోట్లో తెలిస్తే.. షాక్‌ అవ్వాల్సిందే..
Prabhas Adipurush: ప్రభాస్ ఇప్పుడీ పేరు ఓ సెన్సేషన్‌. బాహుబలితో ఒక్కసారిగా ఇంటర్నేషనల్‌ స్టార్‌గా ఎదిగిన యంగ్‌ రెబల్‌ స్టార్‌ నేషనల్‌ హీరోగా మారారు. ప్రస్తుతం ప్రభాస్‌కు సంబంధించిన ఏ చిన్న వార్తైనా...
Updated on: Sep 07, 2022 | 6:35 AM
Prabhas Adipurush: ప్రభాస్ ఇప్పుడీ పేరు ఓ సెన్సేషన్‌. బాహుబలితో ఒక్కసారిగా ఇంటర్నేషనల్‌ స్టార్‌గా ఎదిగిన యంగ్‌ రెబల్‌ స్టార్‌ నేషనల్‌ హీరోగా మారారు. ప్రస్తుతం ప్రభాస్‌కు సంబంధించిన ఏ చిన్న వార్తైనా అది టాక్‌ ఆఫ్‌ ది ఇండస్ట్రీగా మారాల్సిందే. ఇక ప్రస్తుతం వరుస సినిమాలతో బిజీగా ఉన్నారు ప్రభాస్. వీటిలో ‘ఆది పురుష్‌’ ఒకటి. బాలీవుడ్‌ దర్శకుడు ఓంరౌత్‌ తెరకెక్కిస్తోన్న ఈ సినిమాపై దేశ వ్యాప్తంగా భారీ అంచనాలు ఉన్నాయి. రామాయణ ఇతిహాసం ఆధారంగా తెరకెక్కిస్తోన్న ఈ చిత్రంలో ప్రభాస్ రాముడి పాత్రలో నటిస్తుండగా బాలీవుడ్‌ స్టార్‌ హీరో సైఫ్‌ అలీఖాన్‌ విలన్‌గా కనిపించనున్నారు. ఇక సీత పాత్రలో ప్రభాస్‌కు జోడిగా కృతిసనన్‌ నటిస్తోంది.
ఇదిలా ఉంటే రాధేశ్యామ్‌ అనుకున్నంతలా విజయాన్ని అందుకోలేక పోయినా ప్రభాస్ క్రేజ్‌ ఏ మాత్రం తగ్గలేదు. దీనికి ప్రత్యక్ష నిదర్శనం ఆదిపురుష్‌ థియేట్రికల్‌ రైట్స్‌. అవును.. తాజాగా తెలుస్తోన్న సమచారం ప్రకారం ‘ఆది పురుష్‌’ ఒక్క తెలుగు థియేట్రికల్‌ హక్కులు ఏకంగా రూ. 100 కోట్లకు అమ్ముడు పోయినట్లు తెలుస్తోంది. యూవీ క్రియేషన్స్‌ ఈ హక్కులను సొంతం చేసుకున్నట్లు సమాచారం. అయితే దీనిపై అధికారిక ప్రకటన రావాల్సి ఉంది.
ఇదిలా ఉంటే ప్రభాస్‌కు తెలుగులో రూ. 100 కోట్ల మార్కెట్‌ ఉందని ఇది వరకు వచ్చిన సినిమాలతోనే రుజుదైంది. ఈ నేపథ్యంలో యూవీ క్రియేషన్స్‌ అన్ని రూ. కోట్లు పెట్టడానికి సిద్ధమైనట్లు సమాచారం. ఇక ఆది పురుష్‌ చిత్రాన్ని సంక్రాంతి కానుకగా వచ్చే ఏడాది జనవరి 12న విడుదల చేయనున్నా విషయం తెలిసిందే.
మరిన్ని సినిమా వార్తల కోసం క్లిక్ చేయండి..
