Ramagundam: సంచలనం.. రోడ్డు పక్కన వ్యక్తి తల, రెండు వేర్వేరు చేతులు..
పెద్దపల్లి జిల్లా రామగుండం మండలం కుందనపల్లిలో కలకలం చెలరేగింది. రోడ్డు పక్కన కనిపించిన దృశ్యం చూసి స్థానికులు షాక్ తిన్నారు.
పెద్దపల్లి జిల్లా రామగుండం మండలం కుందనపల్లిలో కలకలం చెలరేగింది. రాజీవ్ రహదారి పక్కన ఓ వ్యక్తి తల, రెండు వేర్వేరు చేతులు కనిపించాయి. అటుగా వెళ్తున్న స్థానికులు చూసి ఒక్కసారిగా షాక్ తిన్నారు. వెంటనే పోలీసులకు సమాచారం అందించారు. ఘటనాస్థలికి చేరుకున్న పోలీసులు.. మొండెం లేని తలను, 2 చేతులను గుర్తించారు. కానీ ఆ చేతులు రెండు వేర్వేరు వ్యక్తులకు చెందినవిగా చెబుతున్నారు. అసలు ఆ వ్యక్తి ఎవరు.. ఇంకో చేయి ఎవరిది అనే అంశంపై దర్యాప్తు చేస్తున్నారు. ఎవరు హత్య చేశారు? ఇంకో వ్యక్తి డెడ్‌బాడీ ఎక్కడుందోననే విషయాలు ఆరా తీస్తున్నారు. స్థానికంగా ఈ ఘటన తీవ్ర సంచలనం రేపింది.
బాలికపై లైంగికదాడి కేసులో 20 ఏళ్ల జైలు శిక్ష
బాలికపై లైంగిక దాడికి పాల్పడిన కేసులో నిందితుడికి పోక్సో కేసుల స్పెషల్ కోర్టు శిక్షను విధించింది. తెలంగాణలోని జయశంకర్ భూపాలపల్లి జిల్లా గణపురం మండలం కర్కపల్లికి చెందిన నిందితుడు తోడేటి రమేశ్కు… 20 ఏళ్ల జైలు శిక్ష, రూ.4వేలు ఫైన్ విధిస్తూ తీర్పు వెలువరించింది.
2018 అక్టోబర్ 12న నిందితుడు రమేశ్.. 8 ఏళ్ల బాలికకు గుట్కా తీసుకురమ్మని కిరాణా షాపుకు పంపాడు. గుట్కా తెచ్చిన బాలికను ఇంట్లోకి లాక్కెళ్లి లైంగిక దాడికి పాల్పడ్డాడు. ఈ విషయాన్ని బాలిక తన తల్లిదండ్రులకు చెప్పడంతో వారు పోలీసులకు కంప్లైంట్ చేశారు. కేసు నమోదు చేసుకున్న పోలీసులు దర్యాప్తు చేపట్టారు. నిందితుడిపై అచ్యాచార కేసు నమోదు చేశారు. విచారణలో భాగంగా ఘటనకు సంబంధించి పూర్తి సాక్ష్యాధారాలను సేకరించారు. అప్పటి ములుగు డీఎస్పీ విజయ సారథి నిందితుడిని అరెస్టు చేసి.. ఛార్జిషీట్ ఫైల్ చేశారు. అనంతరం కోర్టు డ్యూటీ ఆఫీసర్ వి.రవీందర్ సాక్ష్యులను ప్రవేశపెట్టారు. ఈ కేసులో ప్రాసిక్యూషన్ తరఫున పబ్లిక్ ప్రాసిక్యూటర్ సీహెచ్ సత్యనారాయణ వాదించారు. బాధిత బాలిక సాక్ష్యంతో పాటు, పోలీసులు ప్రవేశపెట్టిన సాక్ష్యులు, ఆధారాలు పరిశీలించిన కోర్టు నిందితుడు రమేశ్ను దోషిగా తేల్చి తుది తీర్పు వెలువరించింది.
Also Read: మళ్లీ డేంజర్‌ బెల్స్‌ మోగిస్తోన్నరాయలచెరువు.. వరుస లీకేజీలు
కృష్ణా జిల్లాలో మోహన్ బాబు పర్యటన.. సీఎం జగన్‌ను కలిసే అవకాశం
