Road Accident: ఘోర రోడ్డు ప్రమాదం.. లారీని ఢీకొన్న కారు.. నలుగురు దుర్మరణం

Bengaluru Road Accident: కర్ణాటక రాజధాని బెంగళూరులో ఘోర రోడ్డు ప్రమాదం చోటుచేసుకుంది. ఈ రోడ్డు ప్రమాదంలో నలుగురు దుర్మరణం చెందారు. మరికొంతమంది గాయాలపాలయ్యారు. శుక్రవారం అర్ధరాత్రి బెంగళూరు పరిధిలోని పూర్వకారా అపార్ట్‌మెంట్‌ ఈ ఘటన చోటుచేసుకున్నట్లు పోలీసులు తెలిపారు. వేగంగా వచ్చిన కారు పూర్వకారా అపార్ట్‌మెంట్‌ వద్ద లారీని వెనుక నుంచి ఢీకొట్టింది. దీంతో కారులో ప్రయాణిస్తున్న నలుగురు అక్కడికక్కడే మృతిచెందారని.. మరో ఆరుగురు తీవ్రంగా గాయపడ్డారని వెస్ట్ ట్రాఫిక్ డీసీపీ కుల్దీప్ జైన్ వెల్లడించారు. మృతుల్లో ఇద్దరు మహిళలు ఉన్నారన్నారు.

సమాచారం అందుకున్న పోలీసులు ఘటనా స్థలానికి చేరుకొని సహాయక చర్యలు చేపట్టారు. క్షతగాత్రులను సమీపంలోని ఆసుపత్రికి తరలించినట్లు కుల్దీప్ జైన్ తెలిపారు. ప్రమాదం ధాటికి కారు నుజ్జునుజ్జు అయింది. కాగా.. ప్రమాదానికి గురైన లారీ ముందున్న మరో లారీని ఢీకొట్టినట్లు పోలీసులు తెలిపారు. ఈ ఘటనపై కేసు నమోదుచేసి దర్యాప్తు చేస్తున్నట్లు బెంగళూరు పోలీసులు తెలిపారు.

Karnataka | Four people died and many others sustained injuries in a collision between vehicles on Nice road near Purvankara Apartment in Bengaluru yesterday: Kuldeep Jain, DCP Traffic West pic.twitter.com/jL3B3LC72I

— ANI (@ANI) January 7, 2022

Also Read:

Vanama Raghava: సూత్రధారి వనమా రాఘవే.. మరో వీడియోలో సంచలన విషయాలను వెల్లడించిన రామకృష్ణ..

Family Clashes: వివాహేతర సంబంధం పెట్టుకున్న ఆర్ఎంపీ.. అర్థరాత్రి వేళ అతని భార్య ఏం చేసిందంటే..