ఇదేం విచిత్రమో.. మూత్రాశయంలో ఛార్జర్ కేబుల్..
ఓ వ్యక్తి మూత్రాశయం నుంచి మొబైల్ ఛార్జర్ కేబుల్ని బయటకు తీశారు వైద్యులు. ఈ ఘటన అసోంలో చోటుచేసుకుంది. ఇస్లాం అనే వైద్యుడు ఈ విషయాన్ని తన ఫేస్బుక్ ద్వారా పోస్ట్ చేయడంతో ఈ ఘటన వెలుగులోకి వచ్చింది. గువాహటికి చెందిన 30 ఏళ్ల వ్యక్తి కొద్దిరోజులుగా...
Updated on: Jun 07, 2020 | 9:55 AM
ఓ వ్యక్తి మూత్రాశయం నుంచి మొబైల్ ఛార్జర్ కేబుల్ని బయటకు తీశారు వైద్యులు. ఈ ఘటన అసోంలో చోటుచేసుకుంది. ఇస్లాం అనే వైద్యుడు ఈ విషయాన్ని తన ఫేస్బుక్ ద్వారా పోస్ట్ చేయడంతో ఈ ఘటన వెలుగులోకి వచ్చింది. గువాహటికి చెందిన 30 ఏళ్ల వ్యక్తి కొద్దిరోజులుగా కడుపునొప్పితో బాధపడుతూ స్థానిక ఆస్పత్రికి వెళ్లాడు. తాను పొరపాటున మొబైల్ ఛార్జర్ కేబుల్ను తిన్నట్లు వైద్యుడికి వివరించాడు. దీంతో మొదట అతనికి ఎండోస్కోపీ చేయగా.. అతని కడుపులో కేబుల్ కనిపించలేదని దాంతో స్వయంగా తానే రంగంలోకి దిగానన్నారు. ముందు ఎక్స్రే తీయగా.. అతని మూత్రాశయంలో ఛార్జర్ వైర్ చూసి షాక్ అయినట్లు పేర్కొన్నారు. వైద్యులను తప్పుదారి పట్టించేందుకు ఆ వ్యక్తి అబద్ధం చెప్పినట్లు వైద్యుడు తెలిపారు. తన పురుషాంగం ద్వారా కేబుల్ వైరస్ను చొప్పించుకున్నాడని పేర్కొన్నారు. అలాగే అతని మానసిక పరిస్థితిపై కూడా అనుమానాలున్నాయన్నారు. కాగా మొత్తానికి శస్త్ర చికిత్స చేసి కేబుల్ను బయటకు తీశామని ప్రస్తుతం అతని ఆరోగ్య పరిస్థతి నిలకడగా ఉందని డాక్టర్ ఇస్లాం వెల్లడించారు.
Read More:
