Crime: టీవీలో అలా చూశాడు.. లైవ్‌లో ఇలా చేశాడు.. కన్నవారికి కడుపుకోత మిగిల్చాడు..
టీవీలో వచ్చిన ఆత్మహత్య దృశ్యాన్ని చూసి బాలుడు ఉరివేసుకున్నట్లు పోలీసులు తెలిపారు. ఈ ఘటనపై పోలీసులు కేసు నమోదు చేసి దర్యాప్తు చేపట్టారు.
Updated on: Jun 15, 2022 | 4:59 PM
Boy Suicide: క్షణికావేశంలో చిన్నారులు తీసుకుంటున్న దారుణ నిర్ణయాలు కుటుంబాల్లో విషాదం నింపుతున్నాయి. తాజాగా.. టీవీలో ఉరి వేసుకుంటున్న దృశ్యాన్ని చూసిన 12 ఏళ్ల బాలుడు ఆత్మహత్య చేసుకున్నాడు. ఈ హృదయ విదారకమైన ఘటన గిరిజనులు అధికంగా ఉండే మధ్యప్రదేశ్‌లోని మండ్లాలో చోటు చేసింది. టీవీలో వచ్చిన ఆత్మహత్య దృశ్యాన్ని చూసి బాలుడు ఉరివేసుకున్నట్లు పోలీసులు తెలిపారు. ఈ ఘటనపై పోలీసులు కేసు నమోదు చేసి దర్యాప్తు చేపట్టారు. ఈ సంఘటన మండల జిల్లా బీజదండి పోలీస్ స్టేషన్ పరిధిలోని కల్తీ గ్రామంలో మంగళవారం జరిగింది.
పోలీసులు తెలిపిన వివరాల ప్రకారం.. మంగళవారం.. బాలుడి తల్లిదండ్రులు ఎప్పటిలాగే పనికి వెళ్లారు. ఈ క్రమంలో బాలుడు ఇంట్లో ఒంటరిగా ఉన్నాడు. టీవీలో ఉరి వేసుకుంటున్న దృశ్యం చూసిన బాలుడు.. అచ్చం అలానే ప్రయత్నించాడు. గమనించిన స్థానికులు వెంటనే కుటుంబ సభ్యులకు సమాచారం అందించి.. బాలుడిని ఆస్పత్రికి తరలించారు. అప్పటికే బాలుడు మరణించినట్లు వైద్యులు నిర్ధారించారు. అయితే.. బాలుడు ఉరి వేసుకున్న సమయంలో.. టీవీలో కూడా ఉరి వేసుకునే సన్నివేశం వస్తుందని స్థానికులు చెబుతున్నారు.
సమాచారం అందుకున్న పోలీసులు ఘటనా స్థలానికి చేరుకొని పరిశీలించారు. అనంతరం వివరాలు సేకరించి కేసు నమోదు చేసి దర్యాప్తు చేపట్టారు. ఈ ఘటనతో బాలుడి కటుంబంలో తీవ్ర విషాదం నెలకొంది.
మరిన్ని క్రైమ్ వార్తల కోసం ఇక్కడ క్లిక్ చేయండి..
