zydus cadilas: త్వరలో 12 నుంచి 18 ఏళ్ల లోపు చిన్నారులకు కరోనా టీకా.. క్లినికల్​ పరీక్షల పూర్తి చేసుకున్న జైడస్​ క్యాడిలా

మరో గుడ్ న్యూస్ వినిపించింది కేంద్ర ప్రభుత్వం. త్వరలోనే దేశంలో 12 నుంచి 18 ఏళ్ల వయసు వారి కోసం జైడస్​ క్యాడిలా సంస్థ అభివృద్ధి చేసిన కొవిడ్ టీకా అందుబాటులోకి రానుంది. ఈ మేరకు ఢిల్లీ హైకోర్టుకు శుక్రవారం సమర్పించిన ప్రమాణపత్రంలో కేంద్రం నివేదించింది. జైడస్​ క్యాడిలా టీకా ఈ వయస్సువారిపై క్లినికల్​ పరీక్షలను పూర్తి చేసుకుందని పేర్కొంది. పిల్లలపై ఈ టీకా వినియోగానికి త్వరలోనే అనుమతులు ఇచ్చే అవకాశం ఉందని చెప్పింది.

అయితే.. డీసీజీఐ కొన్నిరోజుల క్రితమే జైడస్​ క్యాడిలా టీకాకు అత్యవసర అనుమతులు ఇచ్చిందని సమాచారం. మరోవైపు.. దేశవ్యాప్తంగా తక్కువ వ్యవధిలో 100 శాతం మేర టీకా పంపిణీ చేసేందుకు తాము చర్యలు తీసుకుంటున్నామని కేంద్రంపేర్కొంది. చిన్నారులపై టీకా ప్రయోగాలు నిర్వహించేందుకు మే 12న భారత్​ బయోటక్​ సంస్థకు కూడా అనుమతులు ఇచ్చినట్లు కేంద్రం చెప్పింది.

ఇవి కూడా చదవండి: CM KCR: టీఆర్ఎస్‌లో చేరిపోయిన టీటీడీపీ రాష్ట్ర అధ్యక్షుడు.. రమణకు గులాబీ కండువా కప్పి ఆహ్వానించిన కేసీఆర్

Revanth reddy: చమురు ధరలు తగ్గించకుంటే ప్రజా ఉద్యమం తప్పదు.. ఇందిరా పార్క్ వేదికగా హెచ్చరించిన రేవంత్.