ముంబై.. 500 మంది తాజ్ హోటల్ సిబ్బందికి కరోనా పాజిటివ్ !

దక్షిణ ముంబై కొలబాలోని తాజ్ మహల్ ప్యాలస్, తాజ్ మహల్ టవర్స్ లో పని చేసే దాదాపు 500 మంది సిబ్బందికి కరోనా పాజిటివ్ లక్షణాలు సోకినట్టు షాకింగ్ న్యూస్ వచ్చింది. వీరిలో చాలామందికి అసలు ఎలాంటి అస్వస్ధతా కలగలేదని ఈ గ్రూప్ హోటల్స్ ని నిర్వహిస్తున్న ఇండియన్ హోటల్స్ కంపెనీ వెల్లడించింది. అయినప్పటికీ పాజిటివ్ గా తేలినవారిని ఆసుపత్రికి, మరికొందరిని క్వారంటైన్ కి తరలించినట్టు ఈ సంస్థ తెలిపింది. ప్రస్తుతం తాజ్ మహల్ ప్యాలస్ లో గానీ టవర్స్ లో గానీ గెస్టులు ఎవరూ లేరని, కేవలం హౌస్ కీపింగ్, సెక్యూరిటీ, మెయిన్ టెనెన్స్ విభాగాల్లో పని చేసే ఉద్యోగులు మాత్రమే పరిమిత సంఖ్యలో ఉన్నారని ఈ కంపెనీ పేర్కొంది. ఇలా ఉండగా ముంబై ధారవి మురికివాడలో కరోనా వైరస్ సోకినవారి సంఖ్య 43 కి పెరిగింది. సుమారు 7 లక్షల జనాభా ఉన్న ఈ స్లమ్ లో ప్రతి వ్యక్తినీ స్క్రీనింగ్ చేసే పనిలో పడ్డారు అధికారులు.. మహారాష్టలో తాజాగా 1900 కరోనా కేసులు నమోదయ్యాయి.