UPSC Recruitment 2022: చివరి అవకాశం..! యూపీఎస్సీ ద్వారా భర్తీ చేసే ఈ కేంద్ర కొలువులకు దరఖాస్తు చేసుకున్నారా? ఈ రోజే ఆఖరు..
యూనియన్ పబ్లిక్‌ సర్వీస్‌ కమిషన్‌లో 52 సీనియర్ డిజైన్ ఆఫీసర్ గ్రేడ్-1, సైంటిస్ట్ ‘బి’, జూనియర్ సైంటిఫిక్ ఆఫీసర్, అసిస్టెంట్ ఆర్కిటెక్ట్, అసిస్టెంట్ ప్రొఫెసర్ (ఆయుర్వేదం), డ్రగ్ ఇన్‌స్పెక్టర్ పోస్టులకు ఇంకా దరఖాస్తు చేసుకోలేదా? ఆన్‌లైన్‌..
Updated on: Oct 27, 2022 | 10:03 AM
యూనియన్ పబ్లిక్‌ సర్వీస్‌ కమిషన్‌లో 52 సీనియర్ డిజైన్ ఆఫీసర్ గ్రేడ్-1, సైంటిస్ట్ ‘బి’, జూనియర్ సైంటిఫిక్ ఆఫీసర్, అసిస్టెంట్ ఆర్కిటెక్ట్, అసిస్టెంట్ ప్రొఫెసర్ (ఆయుర్వేదం), డ్రగ్ ఇన్‌స్పెక్టర్ పోస్టులకు ఇంకా దరఖాస్తు చేసుకోలేదా? ఆన్‌లైన్‌ దరఖాస్తులకు ఈ రోజే ఆఖరు. ఏదైనా గుర్తింపు పొందిన యూనివర్సిటీ లేదా ఇన్‌స్టిట్యూట్‌ నుంచి ఇంజినీరింగ్/ఆర్కిటెక్చర్, ఆయుర్వేదం, ఫార్మసీ/ఫార్మాస్యూటికల్ సైన్సెస్‌లో బ్యాచిలర్స్ డిగ్రీ, పీజీ లేదా తత్సమాన కోర్సులో ఉత్తీర్ణత సాధించినవారు ఎవరైనా ఈ పోస్టులకు దరఖాస్తు చేసుకోవచ్చు. అలాగే సంబంధిత పనిలో అనుభవం కూడా ఉండాలి. దరఖాస్తుదారుల వయసు తప్పనిసరిగా 30 నుంచి 45 ఏళ్ల మధ్య ఉండాలి.
ఈ అర్హతలున్నవారు ఎవరైనా ఆన్‌లైన్‌ విధానంలో ఈ రోజు (అక్టోబర్‌ 27, 2022) రాత్రి 11 గంటల 59 నిముషాలలోపు దరఖాస్తు చేసుకోవచ్చు. ఐతే దరఖాస్తు సమయంలో జనరల్ అభ్యర్ధులు రూ.25 అప్లి్కేషన్‌ ఫీజు చెల్లించవల్సి ఉంటుంది. ఎస్సీ/ఎస్టీ/వికలాంగ/మహిళా అభ్యర్ధులకు ఫీజు మినహాయింపు వర్తిస్తుంది. ఈ పోస్టులన్నింటిని రాత పరీక్ష, ఇంటర్వ్యూ ఆధారంగా తుది ఎంపిక చేస్తారు. ఇతర వివరాలకు అధికారిక నోటిఫికేషన్‌ చెక్‌ చేసుకోవచ్చు.
పూర్తి సమాచారం కోసం క్లిక్ చేయండి.
మరిన్ని కెరీర్‌ సంబంధిత వార్తల కోసం ఇక్కడ క్లిక్ చేయండి.
