AP RGUKT Phase-2 Selection List: ఏపీ ఆర్జీయూకేటీ ఫేజ్-2 ఎంపిక జాబితా విడుదల.. అడ్మిషన్ల కౌన్సెలింగ్ ఎప్పుడంటే..
ఆంధ్రప్రదేశ్‌లోని రాజీవ్‌గాంధీ యూనివర్సిటీ ఆఫ్‌ నాలెడ్జ్‌ టెక్నాలజీస్‌ (ఆర్జీయూకేటీ) పరిధిలోని ట్రిపుల్‌ ఐటీల్లో ప్రవేశాలకు సంబంధించి ఫేజ్-2 సెలక్షన్‌ లిస్ట్‌ బుధవారం (అక్టోబర్ 26) విడుదలైంది. ఎంపికైన అభ్యర్థులకు..
Updated on: Oct 27, 2022 | 9:34 AM
ఆంధ్రప్రదేశ్‌లోని రాజీవ్‌గాంధీ యూనివర్సిటీ ఆఫ్‌ నాలెడ్జ్‌ టెక్నాలజీస్‌ (ఆర్జీయూకేటీ) పరిధిలోని ట్రిపుల్‌ ఐటీల్లో ప్రవేశాలకు సంబంధించి ఫేజ్-2 సెలక్షన్‌ లిస్ట్‌ బుధవారం (అక్టోబర్ 26) విడుదలైంది. ఎంపికైన అభ్యర్థులకు అక్టోబర్ 31న నూజివీడు క్యాంపస్‌లో కౌన్సెలింగ్ నిర్వహించనున్నట్లు ఆర్జీయూకేటీ వెల్లడించింది. ఫేజ్ 2 కౌన్సెలింగ్‌కు హాజరయ్యే అభ్యర్థులు కాల్ లెటర్‌ను వెబ్‌సైట్‌లో డౌన్‌లోడ్ చేసుకోవచ్చని ఈ సందర్భంగా తెల్పింది.
ఇప్పటికే ఫేజ్-1 కౌన్సెలింగ్ (అక్టోబర్ 12 నుంచి 16 వరకు కౌన్సెలింగ్ నిర్వహించారు) పూర్తి కాగా ఆయా క్యాంపస్‌లలో సీట్లు పొందిన విద్యార్ధులకు అక్టోబర్ 17 నుంచి తరగతులు కూడా ప్రారంభమయ్యాయి. కాగా నూజివీడు, ఇడుపులపాయ, ఒంగోలు, శ్రీకాకుళం.. ఈ నాలుగు క్యాంపస్‌లలో ఈడబ్ల్యూఎస్‌ కోటాతో కలిపి మొత్తం 4,400 సీట్లు ఉన్నాయి. ఐతే ఈ ఏడాది ఐఐఐటీల్లో ప్రవేశాలకు 44,208 మంది విద్యార్ధులు మాత్రమే దరఖాస్తు చేసుకున్నారు. కౌన్సెలింగ్‌లో సీట్లు పొందిన విద్యార్ధులు 2022-23 విద్యా సంవత్సరానికి సంబంధించి రెండేళ్ల పీయూసీ, నాలుగేళ్ల బీటెక్‌ కోర్సుతో కలిపి మొత్తం ఆరేళ్ల కోర్సులో నూజివీడు, ఇడుపులపాయ, ఒంగోలు, శ్రీకాకుళం క్యాంపస్‌లలో ప్రవేశాలు పొందుతారు.
మరిన్ని కెరీర్‌ సంబంధిత వార్తల కోసం ఇక్కడ క్లిక్‌ చేయండి.
