CA Exams: పరీక్ష రాయాలంటే పేరెంట్స్‌ అనుమతి ఉండాల్సిందే.. సీఏ ఎగ్జామ్స్‌ మార్గదర్శకాలు విడుదల
ఛార్టర్డ్‌ అకౌంటెంట్‌ (సీఏ) పరీక్షలు రాయాలంటే విద్యార్థులు వారి తల్లిదండ్రుల నుంచి కచ్చితంగా అనుమతి తీసుకోవాలని 'ఇనిస్టిట్యూట్‌ ఆఫ్‌ ఛార్టర్డ్‌ అకౌంటెంట్స్‌ ఆఫ్‌ ఇండియా(ఐసీఏఐ)' స్పష్టం చేసింది
Updated on: Nov 09, 2021 | 10:12 PM
ఛార్టర్డ్‌ అకౌంటెంట్‌ (సీఏ) పరీక్షలు రాయాలంటే విద్యార్థులు వారి తల్లిదండ్రుల నుంచి కచ్చితంగా అనుమతి తీసుకోవాలని ‘ఇనిస్టిట్యూట్‌ ఆఫ్‌ ఛార్టర్డ్‌ అకౌంటెంట్స్‌ ఆఫ్‌ ఇండియా(ఐసీఏఐ)’ స్పష్టం చేసింది. ఈ మేరకు పరీక్షలు రాసే విద్యార్థుల కోసం ప్రత్యేకంగా కొన్ని మార్గదర్శకాలు విడుదల చేసింది. సీఏ ఫౌండేషన్‌, ఇంటర్‌, ఫైనల్‌ పరీక్షలు డిసెంబర్‌లో ప్రారంభం కానున్న సంగతి తెలిసిందే. ఈ నేపథ్యంలో కరోనా నిబంధనలను పాటిస్తూ ఈ పరీక్షలు నిర్వహించాలని ఐసీఏఐ భావిస్తోంది. ఇందులో భాగంగానే విద్యార్థుల ఆరోగ్యాన్ని దృష్టిలో ఉంచుకుని ప్రత్యేక మార్గదర్శకాలు విడుదల చేసింది.
విద్యార్థులు పాటించాల్సిన నిబంధనలివే.. ‘పరీక్షలు రాసే విద్యార్థులు.. కేంద్ర ప్రభుత్వం, ఐసీఏఐ సూచించిన కొవిడ్‌ మార్గదర్శకాలను కచ్చితంగా పాటించాలి. పరీక్షలు రాయాలంటే అభ్యర్థుల తల్లిదండ్రులు/ సంరక్షకుల అనుమతి తప్పనిసరిగా తీసుకోవాలి. పరీక్షా కేంద్రాల్లో థర్మల్‌ చెకప్‌ చేయించుకోవాల్సి ఉంటుంది. కొవిడ్‌ నిబంధనల ప్రకారం ఎవరికైనా అసాధారణ ఉష్ణోగ్రత ఉన్నా.. కరోనా లక్షణాలు కనిపించినా వారిని పరీక్ష హాలులోకి అనుమతించం’ అని ఐసీఏఐ స్పష్టం చేసింది. విద్యార్థుల సౌలభ్యాన్ని దృష్టిలో ఉంచుకుని వారి సొంత జిల్లాల్లోనే పరీక్షా కేంద్రాలు ఏర్పాటు చేవాం. కాబట్టి ఏ విద్యార్థి కూడా తన జిల్లా పరిధి దాటి వెళ్లాల్సిన అవసరం లేకుండా పోయింది. పరీక్షా కేంద్రాలను కూడా భారీగా పెంచామని ఐసీఏఐ తెలిపింది.
Also read:
అలసట, నీరసం తరచుగా వస్తే ఆ వ్యాధికి గురైనట్లే..! వెంటనే ఈ విషయాలు తెలుసుకోండి..
