NHAI Recruitment 2022: నేషనల్‌ హైవేస్‌ అథారిటీ ఆఫ్‌ ఇండియాలో మేనేజర్ ఉద్యోగాలు.. ఈ అర్హతలు తప్పనిసరి..
భారత ప్రభుత్వ రోడ్డు రవాణా, జాతీయ రహదారుల మంత్రిత్వశాఖకు చెందిన న్యూఢిల్లీలోని నేషనల్‌ హైవేస్‌ అథారిటీ ఆఫ్‌ ఇండియా ఆధ్వర్యంలోని నేషనల్‌ హైవేస్‌ ఇన్విట్‌ ప్రాజెక్ట్‌ మేనేజర్స్‌ ప్రైవేట్ లిమిటెడ్‌.. ఒప్పంద ప్రాతిపదికన మేనేజర్, డిప్యూటీ మేనేజర్ పోస్టుల భర్తీకి..
Updated on: Nov 18, 2022 | 7:46 AM
భారత ప్రభుత్వ రోడ్డు రవాణా, జాతీయ రహదారుల మంత్రిత్వశాఖకు చెందిన న్యూఢిల్లీలోని నేషనల్‌ హైవేస్‌ అథారిటీ ఆఫ్‌ ఇండియా ఆధ్వర్యంలోని నేషనల్‌ హైవేస్‌ ఇన్విట్‌ ప్రాజెక్ట్‌ మేనేజర్స్‌ ప్రైవేట్ లిమిటెడ్‌.. ఒప్పంద ప్రాతిపదికన మేనేజర్, డిప్యూటీ మేనేజర్ పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్‌ విడుదల చేసింది. సివిల్‌, ఫైనాన్స్‌, లీగల్‌ విభాగాల్లో ఖాళీగా ఉన్న ఈ పోస్టులకు దరఖాస్తు చేసుకునే అభ్యర్ధులు ఏదైనా గుర్తింపు పొందిన యూనివర్సిటీ లేదా ఇన్‌స్టిట్యూట్‌ నుంచి పోస్టును బట్టి సంబంధిత స్పెషలైజేషన్‌లో బీఈ/బీటెక్‌ లేదా తత్సమాన కోర్సులో ఉత్తీర్ణత సాధించి ఉండాలి.
కామర్స్‌/సివిల్‌ ఇంజనీరింగ్‌ విభాగంలో పోస్టు గ్రాడ్యుయేషన్‌ పూర్తి చేసిన వారికి ప్రాధాన్యత ఉంటుంది. అలాగే ఐసీఎస్‌ఐలో సభ్యత్వంతోపాటు సంబంధిత పనిలో అనుభవం కూడా ఉండాలి. అభ్యర్ధుల వయసు 35 యేళ్లకు మించకుండా ఉండాలి. ఆసక్తి కలిగిన అభ్యర్ధులు కింది ఈ మెయిల్‌ ఐడీకి నవంబర్‌ 30, 2022వ తేదీలోపు దరఖాస్తులను పంపించవల్సి ఉంటుంది. విద్యార్హతలు, అనుభవం, ఇంటర్వ్యూ ఆధారంగా అభ్యర్ధులను ఎంపిక చేయడం జరుగుతుంది. పూర్తి వివరాలకు అధికారిక నోటిఫికేషన్‌ చెక్‌ చేసుకోవచ్చు.
ఈమెయిల్‌ ఐడీ:
hr.nhipmpl@nhai.org
పూర్తి సమాచారం కోసం క్లిక్ చేయండి.
మరిన్ని కెరీర్ సంబంధిత వార్తల కోసం ఇక్కడ క్లిక్ చేయండి.
