Central Tribal University of AP: ఇంటర్/డిగ్రీ అర్హతతో ఆంధ్రప్రదేశ్‌ సెంట్రల్‌ ట్రైబల్‌ యూనివర్సిటీలో నాన్‌ టీచింగ్‌ ఉద్యోగాలు.. ఇలా దరఖాస్తు చేసుకోండి..

ఆంధ్రప్రదేశ్‌ రాష్ట్రంలోని సెంట్రల్‌ ట్రైబల్‌ యూనివర్సిటీ.. 12 అసిస్టెంట్‌ లైబ్రేరియన్‌, సెక్షన్‌ ఆఫీసర్‌, యూడీసీ, స్టెనోగ్రాఫర్‌, సెక్యూరిటీ అసిస్టెంట్‌ తదితర పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ..

Central Tribal University of Andhra Pradesh

Srilakshmi C |

Updated on: Oct 22, 2022 | 11:04 AM

ఆంధ్రప్రదేశ్‌ రాష్ట్రంలోని సెంట్రల్‌ ట్రైబల్‌ యూనివర్సిటీ.. 12 అసిస్టెంట్‌ లైబ్రేరియన్‌, సెక్షన్‌ ఆఫీసర్‌, యూడీసీ, స్టెనోగ్రాఫర్‌, సెక్యూరిటీ అసిస్టెంట్‌ తదితర పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్‌ విడుదల చేసింది. రేడియో డయాగ్నోసిస్‌, క్యాజువాలిటీ, యూరాలజీ, ఆంకాలజీ తదితర విభాగాల్లో ఖాళీలున్నాయి.

ఈ పోస్టులకు దరఖాస్తు చేసుకునే అభ్యర్ధులు పోస్టును బట్టి ఇంటర్మీడియట్‌, సంబంధిత స్పెషలైజేషన్‌లో బ్యాచిలర్స్‌ డిగ్రీ/మాస్టర్స్‌ డిగ్రీ/పీహెచ్‌డీ లేదా తత్సమాన కోర్సులో కనీసం 50 శాతం మార్కులతో ఉత్తీర్ణత సాధించి ఉండాలి. అలాగే యూజీసీ నెట్‌/స్లెట్‌/సెట్‌లో అర్హత సాధించి ఉండాలి. అభ్యర్ధుల వయసు 30 నుంచి 40 ఏళ్ల మధ్య ఉండాలి. రిజర్వేషన్‌ వర్గాలకు వయోపరిమితి విషయంలో సడలింపు వర్తిస్తుంది. ఆసక్తి కలిగిన అభ్యర్ధులు నవంబర్‌ 10, 2022వ తేదీలోపు ఆన్‌లైన్‌ విధానంలో దరఖాస్తు చేసుకోవచ్చు. అనంతరం నింపిన దరఖాస్తులను కింది అడ్రస్‌కు నవంబర్ 20వ తేదీలోపు పోస్టు ద్వారా పంపించవల్సి ఉంటుంది. దరఖాస్తు సమయంలో పోస్టును బట్టి జనరల్‌ అభ్యర్ధులు రూ.2000ల నుంచి రూ.1000ల వరకు అప్లికేషన్‌ ఫీజు చెల్లించవల్సి ఉంటుంది. ఎస్సీ/ఎస్టీ/పీడబ్ల్యూడీ అభ్యర్ధులు రూ.1000ల నుంచి రూ.500ల వరకు ఫీజు చెల్లించాలి. రాతపరీక్ష/ అటెండింగ్‌ టెస్ట్‌/ ఇంటర్వ్యూ ఆధారంగా అభ్యర్ధులను ఎంపిక చేస్తారు. అర్హత సాధించిన వారికి నిబంధనల మేరకు జీతభత్యాలు చెల్లిస్తారు. ఇతర సమాచారం అధికారిక నోటిఫికేషన్‌లో చెక్‌ చేసుకోవచ్చు.