TS SET-2022 Final Answer Key: టీఎస్ ‘సెట్’ పరీక్ష ప్రశ్నాపత్రంలో 33 తప్పులు.. అభ్యర్ధుల ఫిర్యాదులు
తెలంగాణ స్టేట్‌ ఎలిజిబిలిటీ టెస్ట్‌-2022 పరీక్షలో ఇంగ్లిష్ క్వశ్చన్‌ పేపర్‌ - 2లో ఏకంగా 33 ప్రశ్నలకు సంబంధించిన సమాధానాలు తప్పుగా వచ్చినట్లు అభ్యర్ధులు టీఎస్-సెట్ నిర్వాహకుల దృష్టికి తీసుకువెళ్లారు. మార్చి 17న నిర్వహించిన..
Updated on: Mar 27, 2023 | 12:39 PM
తెలంగాణ స్టేట్‌ ఎలిజిబిలిటీ టెస్ట్‌-2022 పరీక్షలో ఇంగ్లిష్ క్వశ్చన్‌ పేపర్‌ – 2లో ఏకంగా 33 ప్రశ్నలకు సంబంధించిన సమాధానాలు తప్పుగా వచ్చినట్లు అభ్యర్ధులు టీఎస్-సెట్ నిర్వాహకుల దృష్టికి తీసుకువెళ్లారు. మార్చి 17న నిర్వహించిన ఇంగ్లిష్ ల్యాంగ్వేజ్‌ పరీక్షను నిర్వహించారు. దీనికి సంబంధించిన ఫైనల్‌ ఆన్సర్‌ ‘కీ’ని టీఎస్-సెట్ నిర్వాహకులు శనివారం (మార్చి 25) వెబ్‌సైట్‌లో ఉంచారు.
పరీక్షకు హాజరైన అభ్యర్ధులు ఆన్సర్‌ ‘కీ’ని చెక్‌ చేసుకోగా 33 ప్రశ్నలకు సరైన సమాధానాలులేవని గుర్తించారు. ప్రశ్నలపై తమ అభ్యంతరాలను టీఎస్-సెట్ వెబ్‌సైట్‌లో అప్‌లోడ్‌ చేశారు. పేపర్‌-1లో ఉన్న కొన్ని ప్రశ్నలను గూగుల్‌ నుంచి తీసుకుని మార్పులు, చేర్పులు చేసి.. వాటిని ఆంగ్ల ప్రశ్నపత్రం-2లో ఇచ్చారని పేర్కొన్నారు. తమ విజ్ఞప్తులపై తెలంగాణ సెట్ సభ్యకార్యదర్శి ప్రొఫెసర్‌ మురళీకృష్ణ స్పందించి చర్యలు చేపట్టాలని అభ్యర్ధులు కోరారు. మరోవైపు అభ్యంతరాల నమోదుకు టీఎస్-సెట్ మార్చి 28, 29, 30 తేదీల వరకు అవకాశం ఇచ్చింది.
మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.
