Aadhaar Card: ఆధార్‌ ఉన్నవారికి అలర్ట్‌.. మిత్రమా.. ఇంకా రెండే రోజుల సమయం..!

Aadhaar Card: మీ ఆధార్ కార్డ్ పదేళ్ల క్రితం జారీ అయ్యిందా? ఇంకా అప్‌డేట్ కానట్లయితే, ఇప్పుడు దానిని అప్‌డేట్ చేయడానికి సమయం ఆసన్నమైంది. ఆధార్ కార్డ్‌ను ఉచితంగా అప్‌డేట్ చేయడానికి చివరి తేదీ సెప్టెంబర్ 14. దీనిలో ఇప్పుడు 2 రోజులు మాత్రమే మిగిలి ఉన్నాయి. అందుకే ఆన్‌లైన్‌లో గుర్తింపు, చిరునామా రుజువును సమర్పించడం ద్వారా మీ సమాచారాన్ని వీలైనంత త్వరగా అప్‌డేట్ చేయండి.

ఇక మిగిలింది 2 రోజులు మాత్రమే

మీరు ఇంకా మీ ఆధార్ కార్డ్ సమాచారాన్ని ఉచితంగా అప్‌డేట్ చేయకుంటే, మీకు 2 రోజులు మాత్రమే మిగిలి ఉంది. భారత విశిష్ట గుర్తింపు ప్రాధికార సంస్థ (UIDAI) 14 సెప్టెంబర్ 2024 వరకు ఆధార్ కార్డ్ సమాచారాన్ని ఉచితంగా అప్‌డేట్ చేసే సదుపాయాన్ని అందించింది. దీని తర్వాత సమాచారాన్ని అప్‌డేట్‌ చేయడానికి కొంత రుసుము చెల్లించాలి.

ఇది కూడా చదవండి: School Holidays: ఇక విద్యార్థులకు పండగే.. 14 నుంచి విద్యాసంస్థలకు వరుస సెలవులు!

ఇవి కూడా చదవండి

బ్యాంకు నగదు డిపాజిట్‌, విత్‌డ్రాలపై ఐటీ శాఖ నిఘా..నిబంధనలు ఏంటి?

రైతులు పీఎం కిసాన్‌ సాయం పొందడం ఎలా? దరఖాస్తు ఎలా చేసుకోవాలి?

ఆదానీపై మరో బాంబు పేల్చిన హిండెన్‌బర్గ్‌

దిగి వస్తున్న బంగారం ధరలు.. తులం ధర ఎంత ఉందంటే..

ఆధార్ కార్డును ఎందుకు అప్‌డేట్ చేయాలి?

ఆధార్ కార్డ్ అనేది మీ బయోమెట్రిక్, జనాభా సమాచారం ఆధారంగా 12-అంకెల ప్రత్యేక గుర్తింపు సంఖ్య. మీ ఆధార్ కార్డ్ 10 సంవత్సరాల క్రితం జారీ చేసి ఉంటే ఇంకా అప్‌డేట్ కానట్లయితే, మీ గుర్తింపు, చిరునామా రుజువును మళ్లీ సమర్పించాలని మీకు సలహా ఇచ్చింది. సమాచారాన్ని సురక్షితంగా, సరిగ్గా ఉంచడానికి ఇది అవసరం.

ఆన్‌లైన్‌లో ఆధార్‌ను ఎలా అప్‌డేట్ చేయాలి:

☛ UIDAI అధికారిక వెబ్‌సైట్ www.uidai.gov.inని సందర్శించండి.

☛ నా ఆధార్‌పై క్లిక్ చేసి, మీ ఆధార్‌ను అప్‌డేట్ చేయండి ఎంచుకోండి.

☛ అప్‌డేట్ ఆధార్ వివరాలు పేజీకి వెళ్లి, డాక్యుమెంట్ అప్‌డేట్‌పై క్లిక్ చేయండి.

☛ మీ UID నంబర్, క్యాప్చా కోడ్‌ని నమోదు చేసి, Send OTPపై క్లిక్ చేయండి.

☛ OTPని నమోదు చేసిన తర్వాత లాగిన్ చేయండి.

☛ అప్‌డేట్ చేయాల్సిన సమాచారాన్ని ఎంచుకుని, సరైన సమాచారాన్ని పూరించండి.

☛ అవసరమైన పత్రం స్కాన్ చేసిన కాపీని అప్‌లోడ్ చేసి, సమర్పించుపై క్లిక్ చేయండి.

☛ మీరు అప్‌డేట్ రిక్వెస్ట్ నంబర్ (URN)ని పొందుతారు. దాని నుండి మీరు అప్‌డేట్ స్థితిని ట్రాక్ చేయవచ్చు.

☛ ఆన్‌లైన్ ప్రాసెస్‌కు ఎటువంటి రుసుము లేదు. కానీ బయోమెట్రిక్ సమాచారం (కనుపాపలు, వేలిముద్రలు వంటివి) ఆన్‌లైన్‌లో అప్‌డేట్‌ చేయలేరు.

ఆఫ్‌లైన్‌లో ఆధార్‌ను ఎలా అప్‌డేట్ చేయాలి:

● UIDAI వెబ్‌సైట్ నుండి ఆధార్ ఎన్‌రోల్‌మెంట్ ఫారమ్‌ను డౌన్‌లోడ్ చేయండి.

● ఫారమ్‌ను పూరించండి. అవసరమైన పత్రాలతో పాటు సమీపంలోని ఆధార్ ఎన్‌రోల్‌మెంట్ సెంటర్‌లో సమర్పించండి.

● మీ బయోమెట్రిక్ వివరాలు అక్కడ తీసుకుంటారు. అలాగే మీరు URN అందుకుంటారు.

ఇది కూడా చదవండి: Hindenburg: ఆదానీ సొమ్మును స్విస్‌ బ్యాంకు నిలిపివేసిందా? మరో బాంబు పేల్చిన హిండెన్‌బర్గ్‌

మరిన్ని బిజినెస్ వార్తల కోసం ఇక్కడ క్లిక్ చేయండి