Hindenburg: ఆదానీ సొమ్మును స్విస్ బ్యాంకు నిలిపివేసిందా? మరో బాంబు పేల్చిన హిండెన్బర్గ్
గౌతమ్ అదానీ, అదానీ గ్రూప్‌లపై అమెరికాకు చెందిన ఓ పరిశోధనా సంస్థ మరో బాంబు పేల్చింది. గౌతమ్ అదానీని హిండెన్బర్గ్ అంత తేలికగా విడిచిపెట్టడం లేదని ఇది రుజువు చేస్తుంది. ఈ సారి అమెరికా కంపెనీ చేసిన వెల్లడి స్విస్ బ్యాంకుకు సంబంధించినది. అదానీ గ్రూప్ మనీలాండరింగ్, మోసంపై విచారణలో భాగంగా స్విస్ బ్యాంక్ 310 మిలియన్ డాలర్లు..
Updated on: Sep 13, 2024 | 8:38 AM
గౌతమ్ అదానీ, అదానీ గ్రూప్‌లపై అమెరికాకు చెందిన ఓ పరిశోధనా సంస్థ మరో బాంబు పేల్చింది. గౌతమ్ అదానీని హిండెన్బర్గ్ అంత తేలికగా విడిచిపెట్టడం లేదని ఇది రుజువు చేస్తుంది. మనీలాండరింగ్, మోసంపై దర్యాప్తులో భాగంగా అదానీ గ్రూప్‌కు చెందిన అనేక స్విస్ బ్యాంక్ ఖాతాలలో జమ చేసిన $310 మిలియన్లకు పైగా స్విస్ అధికారులు స్తంభింపజేసినట్లు హిండెన్బర్గ్ సోషల్ మీడియాలో పోస్ట్ చేశారు. అదానీ గ్రూప్ మనీలాండరింగ్, మోసంపై విచారణలో భాగంగా స్విస్ బ్యాంక్ 310 మిలియన్ డాలర్లు (రూ. 2,600 కోట్లకు) పైగా నిలుపుదల చేసిందని హిండెన్బర్గ్ తాజా నివేదిక పేర్కొంది. అమెరికన్ షార్ట్ సెల్లర్ హిండెన్బర్గ్ రీసెర్చ్ మరోసారి అదానీ గ్రూప్‌ను టార్గెట్ చేసింది. మనీలాండరింగ్, మోసం ఆరోపణలపై విచారణలో భాగంగా అదానీ గ్రూప్ ఆరు స్విస్ బ్యాంక్ ఖాతాలలో జమ చేసిన $310 మిలియన్లకు పైగా స్విస్ అధికారులు స్తంభింపజేశారు. 2021 నాటికే అదానీపై మనీలాండరింగ్, సెక్యూరిటీల ఫోర్జరీ విచారణలో భాగంగా స్విస్ అధికారులు బహుళ స్విస్ బ్యాంక్ ఖాతాలలో ఈ సొమ్మును స్తంభింపజేసినట్లు వెల్లడించింది.
అయితే అదానీ గ్రూప్‌కి ఎలాంటి స్విస్ కోర్టు ప్రొసీడింగ్స్‌తో సంబంధం లేదని అదానీ గ్రూప్ ఒక ప్రకటన విడుదల చేసింది. అలాగే మా కంపెనీకి సంబంధించిన ఏ ఖాతా కూడా జప్తు చేయలేదు. మా విదేశీ హోల్డింగ్ నిర్మాణం పూర్తిగా పారదర్శకంగా, చట్టానికి అనుగుణంగా ఉంటుంది. ఇది మా ప్రతిష్టను, మార్కెట్ విలువను దెబ్బతీయడానికి చేస్తున్న ప్రయత్నమని తెలిపింది. హిండెన్బర్గ్ గత సంవత్సరం జనవరి 24, 2023న అదానీపై 106 పేజీల నివేదికను ప్రచురించింది. ఈ బృందం గత సంవత్సరం నివేదికను ప్రచురించింది.
విశేషమేమిటంటే.. దాదాపు 3 ఏళ్లుగా ఈ విచారణ సాగుతోంది. అదానీ గ్రూప్‌కి సంబంధించిన ఈ తాజా కేసు చాలా తీవ్రమైనది. అదానీ గ్రూప్‌కు ఆందోళన కలిగిస్తుంది. అది కూడా నిధుల సమీకరణ కోసం రిటైల్ ఇన్వెస్టర్లను ఆశ్రయించాలని గ్రూప్ ఆలోచిస్తున్న తరుణంలో ఇప్పుడు ఇన్వెస్టర్ల చూపు అదానీ గ్రూప్ షేర్లపైనే ఉంటుంది. శుక్రవారం అదానీ గ్రూప్ షేర్లు క్షీణించే అవకాశం ఉంది.
అమెరికాకు చెందిన హిండెన్బర్గ్ రీసెర్చ్ సంస్థ అదానీ గ్రూప్‌పై కొత్త ఆరోపణలు చేసింది. అమెరికన్ షార్ట్ సెల్లర్ అందించిన సమాచారం స్విస్ క్రిమినల్ కోర్టు రికార్డుల ఆధారంగా ఉందని కంపెనీ తన సోషల్ మీడియా ఖాతాలో పోస్ట్ చేసింది. ప్రభుత్వ ఏజెన్సీ ప్రకారం, దాని దర్యాప్తు 2021 సంవత్సరం నుండి నిరంతరం కొనసాగుతోంది. అదానీ గ్రూప్‌కు సంబంధించిన ఆఫ్‌షోర్ సంస్థలకు సంబంధించిన ఆర్థిక లావాదేవీలపై విచారణ వెలుగు చూసింది.
Swiss authorities have frozen more than $310 million in funds across multiple Swiss bank accounts as part of a money laundering and securities forgery investigation into Adani, dating back as early as 2021.
Prosecutors detailed how an Adani frontman invested in opaque…
— Hindenburg Research (@HindenburgRes) September 12, 2024
స్విస్ మీడియా నివేదికలలో అదానీ గ్రూప్ చాలా చర్చనీయాంశమైంది. మీడియా నివేదికలను ఉటంకిస్తూ, అమెరికన్ షార్ట్ సెల్లర్ హిండెన్బర్గ్ మాట్లాడుతూ.. బ్రిటీష్ వర్జిన్ ఐలాండ్స్ , మారిషస్, బెర్ముడాలో వివాదాస్పద నిధులలో అదానీ అనుబంధ సంస్థ (ఫ్రంట్‌మ్యాన్) ఎలా పెట్టుబడి పెట్టింది అనే దానిపై ప్రాసిక్యూటర్లు సమాచారాన్ని అందించారని చెప్పారు. ఈ ఫండ్ సొమ్మును అదానీ షేర్లలో ఉంచారు. ఈ సమాచారం అంతా స్విస్ క్రిమినల్ కోర్టు రికార్డుల నుండి పొందింది.
మళ్లీ వివాదం తలెత్తింది:
అదానీ హిండెన్బర్గ్ మధ్య యుద్ధం ముగిసిందని ఎవరూ అనుకోలేదు. ఒక కొత్త నివేదిక ఈ యుద్ధానికి తెర లేపింది. సెబీ చైర్‌పర్సన్ మాధవి పూరి బుచ్, ఆమె భర్త ధవల్ బుచ్ గత సంవత్సరం నుండి అదానీ గ్రూప్‌పై అభియోగాల కేటగిరీలో అదానీ గ్రూప్‌కు లింక్ చేయబడిన ఆఫ్‌షోర్ ఫండ్‌లలో పెట్టుబడి పెట్టారని ఆరోపించారు.
మరిన్ని బిజినెస్ వార్తల కోసం ఇక్కడ క్లిక్ చేయండి
