RBI: మహిళా సంఘాలకు రిజర్వ్ బ్యాంక్‌ గుడ్‌న్యూస్‌.. ఎలాంటి తనఖా లేకుండా రూ.20 లక్షల వరకు రుణాలు..!

RBI: మహిళా సంఘాలకు రిజర్వ్‌ బ్యాంక్‌ ఆఫ్‌ ఇండియా (ఆర్బీఐ) గుడ్‌న్యూస్‌ చెప్పింది. దీన్ దయాళ్ అంత్యోదయ యోజన (డీఏవై-ఎన్ఆర్ఎల్ఎం) కింద స్వయం సహాయక బృందాలకు ఎలాంటి తాకట్టు లేకుండానే 20 లక్షల రూపాయల వరకు రుణం ఇవ్వనున్నట్లు ఆర్‌బీఐ వెల్లడించింది. ఇప్పటి వరకు డీఏవై-ఎన్ఆర్ఎల్ఎం కింద ఇస్తున్న రుణాలను రూ.10 లక్షల నుంచి రూ.20 లక్షలకు పెంచాలని రిజర్వ్ బ్యాంక్ ఆఫ్ ఇండియా సోమవారం నోటిఫై చేసింది. అయితే మహిళల సహాయంతో బలమైన సంస్థలను నిర్మించడం ద్వారా పేదరికాన్ని తగ్గించడం, జీవనోపాధిని కల్పించడానికి భారత ప్రభుత్వం డీఏవై-ఎన్ఆర్ఎల్ఎం పథకాన్ని అందుబాటులోకి తీసుకువచ్చింది.

కాగా, రూ.10 లక్షల కంటే ఎక్కువ రూ.20 లక్షల వరకు స్వయం సహాయక బృందాలకు ఇచ్చే రుణాల కోసం త‌న‌ఖా కింద ఎలాంటి ఆస్తులు ఉంచుకోకూడ‌ద‌ని, వారి పొదుపు ఖాతాల‌పై ఎటువంటి ఆంక్ష‌లు విధించ‌కూడ‌ద‌ని తెలిపింది. రుణాలు మంజూరు చేసే స‌మ‌యంలో మార్జిన్ కూడా తీసుకోకూడ‌దని, అదేవిధంగా, ఎస్ హెచ్ జిల సేవింగ్స్ బ్యాంక్ ఖాతాకు విరుద్ధంగా ఎలాంటి తాత్కాలిక హక్కును మార్క్ చేయరాదు బ్యాంకులకు సూచించింది. రుణాలను మంజూరు చేసే సమయంలో ఎలాంటి డిపాజిట్లను పట్టుబట్టరాదు అని తెలిపింది. మైక్రో యూనిట్స్ (సీజీఎఫ్ఎంయు) పథకం కోసం క్రెడిట్ గ్యారెంటీ ఫండ్ లో ప్రభుత్వం ఇటీవల సవరణలు చేసిన తరువాత ఆర్‌బీఐ ఈ సర్క్యులర్ జారీ చేసింది.

ఇవీ కూడా చదవండి

Vivad Se Vishwas Scheme: వివాద్ సే విశ్వాస్ పథకం అంటే ఏమిటి.. ప్రభుత్వానికి రూ .53,684 కోట్ల ఆదాయం..!

National Anthem: ‘జనగణమన’ను జాతీయ గీతంగా ఎప్పుడు స్వీకరించారో తెలుసా..?.. చరిత్ర ఏమిటి..?