బ్యాంక్ కస్టమర్లకు షాకింగ్ న్యూస్.. ఆ అకౌంట్స్ పై కీలక నిర్ణయం.. వచ్చే నెల నుంచి అమలు..
బ్యాంకులు ఎప్పుడు ఎలాంటి నిర్ణయం తీసుకుంటాయో తెలియదు. కొన్ని సందర్భాల్లో ప్రభుత్వ.. ప్రైవేటు రంగ
బ్యాంకులు ఎప్పుడు ఎలాంటి నిర్ణయం తీసుకుంటాయో తెలియదు. కొన్ని సందర్భాల్లో ప్రభుత్వ.. ప్రైవేటు రంగ బ్యాంకులు తీసుకునే కీలక నిర్ణయాలు ఆయా ఖాతాలపై ప్రతికూల ప్రభావం చూపిస్తాయి. అందుకే బ్యాంకులలో ఖాతాలు ఉన్నవారు… అందుకు సంబంధించిన పూర్తి వివరాలు తెలుసుకుని ఉండాలి. ఇక దేశీయ దిగ్గజ బ్యాంకులలో పంజాబ్ నేషనల్ బ్యాంకు కూడా ఒకటి. ఇందులో సేవింగ్స్ ఖాతా ఉన్న కస్టమర్లు కొన్ని విషయాలను తెలుసుకోవాల్సి ఉంటుంది. తాజాగా పంజాబ్ నేషనల్ బ్యాంకు కీలక నిర్ణయం తీసుకుంది. దీంతో బ్యాంకు ఖాతాదారులపై ప్రతికూల ప్రభావం పడనుంది.
పంజాబ్ నేషనల్ బ్యాంక్ సేవింగ్స్ ఖాతాలపై వడ్డీ రేట్లను తగ్గిస్తున్నట్లుగా ప్రకటించింది. ఈ నిర్ణయంతో కొత్త.. పాత కస్టమర్లతోపాటు.. ఎన్ఆర్ఐ కస్టమర్ల ఖాతాలపై కూడా ప్రతికూల ప్రభావం పడనుంది. 10 బేసిస్ పాయింట్ల మేర కోత విధించింది. రూ. 10 లక్షలలోపు బ్యాలెన్స్ కలిగిన అకౌంట్లకు ఇది వర్తిస్తుంది. అలాగే రూ. 10 లక్షలు లేదా ఆపైన మొత్తం కలిగిన బ్యాంకు ఖాతాలపై వడ్డీ రేటు 5 బేసిస్ పాయింట్లు తగ్గనుంది. దీంతో రూ. 10 లక్షలలోపు బ్యాలెన్స్ కలిగిన ఖాతాలకు 2.8 శాతం వడ్డీ రేటు లభిస్తుంది.
గతంలో సెప్టెంబర్ 1న పొదుపు ఖాతాలపై వడ్డీ రేటును 2.90 శాతానికి తగ్గించింది. అదే రూ. 10 లక్షలు లేదా అంతకంటే ఎక్కువ ఉంటే.. అప్పుడు 2.85 శాతం వడ్డీ వస్తుంది. అలాగే సేవింగ్స్ ఖాతాలపై వడ్డీ రేట్ల తగ్గింపు నిర్ణయం డిసెంబర్ 1 నుంచి అమలులోకి రానుంది. దేశంలోని అతి పెద్ద ప్రభుత్వ రుణదాత స్టేట్ బ్యాంక్ ఆఫ్ ఇండియా పొదుపు ఖాతాలపై సంవత్సరానికి రూ. 2.70 శాతం వడ్డీ రేటును ఇస్తుంది. అలాగే ఒక లక్ష వరకు డిపాజిట్లపై ఎస్బీఐ 2.70 శాతం వడ్డీని ఇస్తుంది.
ఇక ప్రభుత్వ రంగ బ్యాంకులలో వడ్డీ రేట్లు ఎలా ఉన్నాయంటే.. ఐడీబీఐ బ్యాంక్.. 3 నుంచి 3.25 శాతం.. కెనరా బ్యాంక్.. 2.90 శాతం నుంచి 3.20 శాతం వరకు బ్యాంక్ ఆఫ్ బరోడా.. 2.75 శాతం నుంచి 3.20 శాతం వరకు..
ఇక ప్రైవేట్ రంగ బ్యాంకులలో 3 నుంచి 5 శాతం వరకు వడ్డీ రేట్లు.. హెచ్డీఎఫ్సీ బ్యాంక్.. 3 నుంచి 3.5 శాతం.. ఐసీఐసీఐ బ్యాంక్.. 3 నుంచి 3.5 శాతం. కోటక్ మహీంద్రా బ్యాంక్.. 3.5 శాతం. ఇండస్ ఇండ్ బ్యాంక్.. 4 నుంచి 5 శాతం వరకు వడ్డీ రేట్లు ఉన్నాయి.
Also Read: Nora Fatehi: సత్యమేవ జయతే 2 నుంచి కుసు సాంగ్ రిలీజ్.. మరోసారి స్టెప్పులతో అదరగొట్టిన నోరా ఫతేహి..
