EPFO: కొత్తగా పెళ్లి చేసుకున్న పీఎఫ్ ఖాతాదారులు అలర్ట్..! ఆ విషయంలో మార్పు తప్పనిసరి..

EPFO: పీఎఫ్, పెన్షన్ (ఈపీఎస్), ఇన్సూరెన్స్ (ఈడీఎల్‌ఐ) సౌకర్యాలను పొందడానికి ఎంప్లాయీ ప్రావిడెంట్ ఫండ్ ఆర్గనైజేషన్ (EPFO) సభ్యులు ఆన్‌లైన్‌లో ఈ నామినేషన్ దాఖలు చేయాలి. దీని గురించి తెలియనివారు EPFO ​వెబ్‌సైట్ epf.gov.in ని సందర్శించి తెలుసుకోవచ్చు. ఆన్‌లైన్‌లో ఈ-నామినేషన్ దాఖలు చేయడానికి ఒక నిర్దిష్ట ప్రక్రియ ఉంటుంది. ఈ దశలను అనుసరించిన తర్వాత మీరు సులభంగా నామినేషన్ పూర్తి చేయవచ్చు.

నామినేషన్ నియమాలు ఏమిటి పిఎఫ్ ఖాతాలో నామినీ పేరు నమోదు కాకపోతే సమస్య ఏర్పడుతుంది. దురదృష్టవశాత్తు ఖాతాదారు మరణిస్తే డిపాజిట్ చేసిన డబ్బును ఉపసంహరించుకోవడంలో ఇబ్బంది ఉంటుంది. దీనిని దృష్టిలో ఉంచుకుని ప్రతి ఖాతాదారుడు నామినేషన్ దాఖలు చేయాలని EPFO సూచించింది. అకౌంట్ హోల్డర్ వివాహం చేసుకున్నప్పుడు ఈ పని కచ్చితంగా చేయాలి. EPF-EPS అకౌంట్ హోల్డర్ వివాహం తర్వాత ఎవరినీ నామినేట్ చేయక సర్వీస్ సమయంలో మరణిస్తే అప్పుడు భార్య లేదా వారసులు EPF ప్రయోజనాన్ని పొందలేరు.

నిబంధనల ప్రకారంEPF సభ్యుడికి కుటుంబ సభ్యులు లేనట్లయితే అతను ఏ వ్యక్తినైనా నామినేట్ చేయవచ్చు. కానీ వివాహం తర్వాత ఇది చెల్లదు. ఒకవేళ ఆ వ్యక్తి వివాహం చేసుకోకపోతే ఆ మొత్తం ఆధారపడిన తల్లిదండ్రులకు ఇవ్వబడుతుంది. ఉద్యోగుల భవిష్య నిధి (EPF) పథకం1952 ప్రకారం, EPF-EPS ఖాతాదారు వివాహం చేసుకున్న తర్వాత EPF, EPS ఖాతా నామినేషన్ చెల్లదు. అప్పుడు ఖాతాదారు తన నామినీని తిరిగి నామినేట్ చేయాల్సి ఉంటుంది. పురుషుల విషయంలో నామినీ భార్య ఉండగా.. స్త్రీ విషయంలో భర్త నామినీగా ఉండాలి.

ఆన్‌లైన్‌లో ఈ నామినేషన్ ఎలా చేయాలి..

1. ఏదైనా బ్రౌజర్‌ని తెరిచి EPFO వెబ్‌సైట్‌ epfindia.gov.in పై క్లిక్ చేయండి 2. సేవల పైన క్లిక్ చేయండి 3. ఉద్యోగుల కోసం మీరు క్లిక్ చేయాల్సిన అనేక ఎంపికలు కనిపిస్తాయి. 4. మెంబర్ UAN/ఆన్‌లైన్ సర్వీస్ (OCS/OTP) పై క్లిక్ చేయండి 5. UAN, పాస్‌వర్డ్ ఉపయోగించి లాగిన్ కండి 6. మేనేజ్ ట్యాబ్‌కి వెళ్లి E- నామినేషన్‌పై క్లిక్ చేయండి 7. ఇక్కడ వివరాలు నింపండి. సేవ్ ఎంపికపై క్లిక్ చేయండి 8. కుటుంబ ప్రకటన కోసం yesపై క్లిక్ చేయండి 9. ఇప్పుడు కుటుంబ వివరాలపై క్లిక్ చేసి అవసరమైన వివరాలను నింపండి. మీరు ఒకటి కంటే ఎక్కువ నామినీ పేర్లను సూచించవచ్చు. 10. మొబైల్ ఫోన్‌లో OTP అందుకున్న తర్వాత E- గుర్తును ఎంచుకోండి. మొబైల్ నంబర్ తప్పనిసరిగా ఆధార్‌తో నమోదు చేసుకోవాలి 11. ఇవన్నీ చేసిన తర్వాత, EPFO​లో ఈ -నామినేషన్ ప్రక్రియ పూర్తవుతుంది.

AP High Court: నేడు ఏపీ హైకోర్టు సీజేపీ జస్టిస్ ప్రశాంత్ కుమార్ మిశ్రా ప్రమాణ స్వీకారం..