NPS: పదవీ విరమణ తర్వాత డబ్బు గురించి టెన్షన్ వద్దు.. ఈ ప్లాన్‌తో నెలకు రూ. లక్ష!
దవీ విరమణ వయస్సు సమీపిస్తున్న కొద్దీ, ప్రజలు పెట్టుబడి గురించి ఆందోళన చెందుతారు. అలాగే ఎక్కడ పెట్టుబడి పెట్టాలో నిర్ణయించుకోలేరు. అటువంటి పరిస్థితిలో మీరు NPS లో పెట్టుబడి పెట్టవచ్చు. మీరు నేషనల్ పెన్షన్ సిస్టమ్‌లో 70 సంవత్సరాల పాటు పెట్టుబడి పెట్టవచ్చు. అయితే మీరు వీలైనంత త్వరగా ఇందులో పెట్టుబడి పెట్టడం ప్రారంభిస్తే, మీకు ఎక్కువ లాభం వస్తుంది. జాతీయ పెన్షన్ పథకం..
Updated on: Oct 24, 2023 | 10:20 PM
పదవీ విరమణ తర్వాత కూడా ఎక్కువ డబ్బు అవసరం. సాధారణ ఆదాయ వనరు ఆగిపోయిన తర్వాత, ప్రజలు నెలవారీ ఖర్చులను నిర్వహించడానికి అనేక సమస్యలను ఎదుర్కోవలసి ఉంటుంది. అయితే, ఇప్పుడు మీరు టెన్షన్ పడాల్సిన అవసరం లేదు. ప్రతి నెలా లక్ష రూపాయల పెన్షన్ పొందవచ్చు. మీరు ప్రతి నెలా కొంత డబ్బు పెట్టుబడి పెట్టాలి.
కేంద్ర ప్రభుత్వం జాతీయ పెన్షన్ పథకాన్ని ప్రారంభించింది. ఈ పథకం కింద ప్రతి నెలా రూ.లక్ష వరకు పెన్షన్ పొందవచ్చు. ప్రభుత్వ ఉద్యోగులు, ప్రైవేట్ రంగ ఉద్యోగులు లేదా ఎవరైనా ఇందులో పెట్టుబడి పెట్టవచ్చు. 18 నుండి 70 సంవత్సరాల మధ్య ఉన్న పౌరులు ఎన్‌పిఎస్ కింద పెట్టుబడి పెట్టవచ్చు.
పదవీ విరమణ కోసం ఎన్‌పిఎస్ మంచి ఎంపిక
పదవీ విరమణ వయస్సు సమీపిస్తున్న కొద్దీ, ప్రజలు పెట్టుబడి గురించి ఆందోళన చెందుతారు. అలాగే ఎక్కడ పెట్టుబడి పెట్టాలో నిర్ణయించుకోలేరు. అటువంటి పరిస్థితిలో మీరు NPS లో పెట్టుబడి పెట్టవచ్చు. మీరు నేషనల్ పెన్షన్ సిస్టమ్‌లో 70 సంవత్సరాల పాటు పెట్టుబడి పెట్టవచ్చు. అయితే మీరు వీలైనంత త్వరగా ఇందులో పెట్టుబడి పెట్టడం ప్రారంభిస్తే, మీకు ఎక్కువ లాభం వస్తుంది. జాతీయ పెన్షన్ పథకం 1 జనవరి 2004న ప్రారంభించబడింది. అలాగే 2009లో ప్రైవేట్ రంగ ఉద్యోగులకు కూడా ప్రారంభించబడింది.
జాతీయ పెన్షన్ పథకం వివరాలు:
జాతీయ పెన్షన్ పథకం అనేది స్వచ్ఛంద, దీర్ఘకాలిక పెట్టుబడి పథకం. ఇది కేంద్ర ప్రభుత్వం చేపట్టిన సామాజిక భద్రత కార్యక్రమం. ఈ పెన్షన్ పథకంలో ఎన్నారైలు కూడా పెట్టుబడి పెట్టవచ్చు. ఖాతా తెరిచినప్పటి నుండి ఒకరు 60 సంవత్సరాలు లేదా 20 సంవత్సరాల మెచ్యూరిటీ వ్యవధి వరకు విరాళం ఇవ్వాలి. ఎంత ఎక్కువ కాంట్రిబ్యూషన్ ఇస్తే అంత ఎక్కువ పెన్షన్ వస్తుంది. ఈ పథకంలో సగటు రాబడి 9 శాతం నుండి 12 శాతం వరకు ఉంటుంది.
లక్షకు ఎంత పెట్టుబడి పెట్టాలి :
మీరు 30 సంవత్సరాల పాటు ప్రతి నెలా రూ. 10,000 పెట్టుబడి పెడితే, నెలవారీ పెన్షన్ రూ. 1 లక్ష అవుతుంది. పదవీ విరమణ సమయంలో మీరు దాదాపు రూ. 1 కోటి మొత్తాన్ని కూడా పొందుతారు. ఈ పథకంలో ఈక్విటీ ఎక్స్పోజర్ 50 నుండి 75 శాతం.
పన్ను ప్రయోజనం:
మీరు ఈ పథకంలో పెట్టుబడి పెట్టాలని ప్లాన్ చేస్తే, మీరు పన్ను ఆదా ప్రయోజనం కూడా పొందుతారు. సెక్షన్ 80సీసీడీ (1) కింద రూ. 50 వేలు, సెక్షన్ 80సీ కింద రూ. 1.5 లక్షల వరకు పన్ను ఆదా చేసుకోవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి
