Car Insurance: వర్షం వల్ల కారు పాడైతే నో ఇన్సూరెన్స్… బీమా తీసుకునే సమయంలో ఈ తప్పులు వద్దంతే..!
ప్రస్తుతం పట్టణ ప్రాంతాల్లోని చాలా మందికి కారు ఉంటుంది. రోజువారీ అవసరాలను కారును వాడే వారి సంఖ్య పెరుగుతుంది. అయితే రానున్నది వర్షాకాలం అందువల్ల భారీ వర్షపాతం, వరదలు, విపరీతమైన ప్రమాదాలు కారు దెబ్బతీసే ప్రమాదం ఉంది. దాని మరమ్మతుల సమయంలో మనం ఆర్థికంగా నష్టపోవాల్సి ఉంటుంది. ముఖ్యంగా వరదల కారణంగా కార్లు మునిగిపోవడం లేదా కుండపోత వర్షాల కారణంగా పొంగిపొర్లుతున్న నాలాల్లో కార్లు కొట్టుకుని పోవడం వంటి భయానక వీడియోలు మనం చూస్తూనే ఉంటాం. ఈ ఇబ్బంది నుంచి బయటపడడానికి చాలా మంది సమగ్రమైన కారు బీమా పాలసీలు తీసుకుంటూ ఉంటారు.
Updated on: May 19, 2024 | 8:00 PM
ప్రస్తుతం భారతదేశంలో ఎండలు దంచికొడుతున్నాయి. అయితే తెలుగు రాష్ట్రాల్లోని కొన్ని ప్రాంతాల్లో ప్రస్తుతం వానలు పడుతున్నాయి. వాతవరణం ఎలా ఉన్నా మన సాధారణ పనులు ఆగవు. ప్రస్తుతం పట్టణ ప్రాంతాల్లోని చాలా మందికి కారు ఉంటుంది. రోజువారీ అవసరాలను కారును వాడే వారి సంఖ్య పెరుగుతుంది. అయితే రానున్నది వర్షాకాలం అందువల్ల భారీ వర్షపాతం, వరదలు, విపరీతమైన ప్రమాదాలు కారు దెబ్బతీసే ప్రమాదం ఉంది. దాని మరమ్మతుల సమయంలో మనం ఆర్థికంగా నష్టపోవాల్సి ఉంటుంది. ముఖ్యంగా వరదల కారణంగా కార్లు మునిగిపోవడం లేదా కుండపోత వర్షాల కారణంగా పొంగిపొర్లుతున్న నాలాల్లో కార్లు కొట్టుకుని పోవడం వంటి భయానక వీడియోలు మనం చూస్తూనే ఉంటాం. ఈ ఇబ్బంది నుంచి బయటపడడానికి చాలా మంది సమగ్రమైన కారు బీమా పాలసీలు తీసుకుంటూ ఉంటారు. అయితే కారు బీమా తీసుకునే సమయంలో అవగాహన లోపంతో చేసే చిన్న తప్పులు పెద్ద నష్టాన్ని కలుగుజేస్తాయి. ముఖ్యంగా కారు బీమా క్లెయిమ్ చేసే సమయంలో కొన్ని ప్రత్యేక కారణాల వల్ల క్లెయిమ్ రిజెక్ట్ చేస్తూ ఉంటారు. ఈ నేపథ్యంలో కారు బీమా తీసుకునే సమయంలో ఎలాంటి జాగ్రత్తలు తీసుకోవాలో? ఓ సారి తెలుసుకుందాం.
నీటి వల్ల ఇంజిన్ పాడవ్వడం
సాధారణంగా హైడ్రోస్టాటిక్ లాక్ లేదా హైడ్రోలాక్ అని పిలుస్తారు. చాలా సమగ్ర బీమా పాలసీలు హైడ్రోలాక్ను కవర్ చేయవు ఎందుకంటే ఇది తరచుగా కారు వినియోగదారుడి నిర్లక్ష్య ప్రవర్తన ఫలితంగా పరిగణిస్తారు. సీజ్ చేసిన ఇంజిన్ను రిపేర్ చేయడం చాలా ఖరీదైనది. అందుకే చాలా బీమా కంపెనీలు ఇటువంటి పరిస్థితుల కోసం రూపొందించిన యాడ్-ఆన్ కవర్లను అందిస్తాయి. వీటిని తరచుగా ఇంజిన్ ప్రొటెక్ట్ లేదా ఇంజిన్ కవర్ అని పిలుస్తారు. ముఖ్యంగా వర్షాకాలంలో మీ కారు ఇంజిన్కు నీటి-సంబంధిత నష్టం గురించి మీరు ఆందోళన చెందుతుంటే అటువంటి యాడ్-ఆన్ను పరిశీలించాలి.
కార్ బాడీకి నష్టం
ఒక సమగ్ర కారు భీమా సాధారణంగా ప్రకృతి చర్యల వల్ల మీ కారుకు జరిగే నష్టాన్ని కవర్ చేస్తుంది. కారుపై చెట్టు లేదా విద్యుత్ స్తంభం పడిపోవడం లేదా గుంతలు మీ కారు సస్పెన్షన్ సిస్టమ్ను దెబ్బతీయడం వంటి సంఘటనలు ఇందులో ఉండవచ్చు. ఈ కవరేజ్ సాధారణంగా అవసరమైన మరమ్మతుల కోసం చెల్లిస్తుంది లేదా మొత్తం నష్టం సంభవించినప్పుడు నష్టం సమయంలో కారు మార్కెట్ విలువను చెల్లిస్తుంది. అయితే మీరు మీ బీమా పాలసీ కోసం జీరో డిప్రిసియేషన్ యాడ్-ఆన్ను ఎంచుకుంటేనే మీ కారుకు జరిగిన నష్టాలు, మరమ్మతుల కోసం మీరు 100 శాతం క్లెయిమ్ పొందవచ్చు.
జీరో డిప్రిసియేషన్ ఇన్సూరెన్స్
జీరో డెప్ లేదా బంపర్-టు-బంపర్ ఇన్సూరెన్స్ అని కూడా పిలుస్తారు. ఇది ఒక రకమైన వాహన భీమా, ఇది తరుగుదల కోసం లెక్కలు లేకుండా మరమ్మతులు లేదా దెబ్బతిన్న కారు భాగాలను మార్చడానికి పూర్తి ఖర్చు కోసం కవరేజీని అందిస్తుంది. అంటే కారులో కొంత భాగాన్ని దాని బంపర్ని మార్చవలసి వచ్చినప్పటికీ బీమా కంపెనీ ఎలాంటి తరుగుదల లేకుండా కొత్త పార్ట్ మొత్తం ఖర్చును కవర్ చేస్తుంది.
వరదలు
వరదల సమయంలో కారు పాడైపోయినా లేదా ధ్వంసమైనా ఇది సాధారణంగా సమగ్ర బీమాకు సంబంధించిన మొత్తం నష్ట పాలసీ కింద కవర్ అవుతుంది. ఈ సందర్భంలో బీమాదారు కారు బీమా చేయబడిన మొత్తాన్ని మీకు చెల్లిస్తారు.
ఇతర రకాల నష్టాలు
కొండచరియలు విరిగిపడటం వల్ల వాహనంపై వడగళ్ళు లేదా రాళ్లు పడడం వంటి ఇతర రకాల వర్షాలకు సంబంధించిన నష్టాలకు సమగ్ర కారు బీమా సాధారణంగా వర్తిస్తుంది. కురుస్తున్న వర్షాల కారణంగా రోడ్డు పరిస్థితుల కారణంగా కారు పాడైపోతే పాలసీకు సంబంధించిన ప్రత్యేకతలను బట్టి బీమా కంపెనీ మరమ్మతు ఖర్చులను భరిస్తుంది.
ఓన్ డ్యామేజ్
మీరు ఉద్దేశపూర్వకంగా మీ కారును సరస్సు లేదా చెరువు వంటి నీటి ప్రదేశంలోకి నడిపినా లేదా మీ సొంతంగా వాహనాన్ని డ్యామేజ్ చేసినా మీకు బీమా ప్రయోజనాలకు అర్హత ఉండదు. వర్షాకాలంలో మీ పాలసీ అందించిన కవరేజీకి సంబంధించిన నిర్దిష్ట వివరాల కోసం నేరుగా మీ బీమా ప్రొవైడర్ను సంప్రదించాలని గుర్తుంచుకోవలి. ప్రొవైడర్, మీ పాలసీకు సంబంధించిన నిర్దిష్ట నిబంధనలపై ఆధారపడి బీమా పాలసీలతో పాటు కవరేజ్ మారవచ్చు.
మరిన్ని బిజినెస్ వార్తల కోసం ఇక్కడ క్లిక్ చేయండి
