New Tax Regime: కొత్త పన్ను విధానం లాభమా? నష్టమా?.. ఈ మినహాయింపుల గురించి తెలిస్తే పన్ను చెల్లింపుదారులకు పండగే
కొత్త పన్ను చెల్లింపు విధానంపై ఆసక్తి చూపేలా ఇటీవల కేంద్రం ప్రకటించిన కొత్త బడ్జెట్లో ఆర్థిక శాఖ మంత్రి నిర్మలా సీతారామన్ కొన్ని మినహాయింపులను ప్రతిపాదించారు. ఈ మార్పులు కూడా ఏప్రిల్ 2023 నుంచి మార్చి 2024 అమల్లో ఉంటాయి.
Updated on: Feb 28, 2023 | 4:00 PM
పన్ను చెల్లింపుదారులు ఎక్కువగా పన్ను మినహాయింపులపై దృష్టి పెడతారు. ఎందుకంటే పన్ను మినహాయింపు కోసం పెట్టుబడి పెడితే అది భవిష్యత్లో తమకు సాయంగా ఉంటుందని కొందరి వాదన. అయితే కేంద్రం 2020లో కొత్త పన్ను విధానాన్ని అమల్లోకి తెచ్చింది. పాత పన్ను చెల్లింపు విధానంతో పోల్చుకుంటే కొత్త చెల్లింపు విధానంలో మినహాయింపులు తక్కువగా ఉండడంతో చాలా మంది పాత పన్ను చెల్లింపు విధానంపైనే మొగ్గు చూపుతున్నారు. అయితే కొత్త పన్ను చెల్లింపు విధానంపై ఆసక్తి చూపేలా ఇటీవల కేంద్రం ప్రకటించిన కొత్త బడ్జెట్లో ఆర్థిక శాఖ మంత్రి నిర్మలా సీతారామన్ కొన్ని మినహాయింపులను ప్రతిపాదించారు. ఈ మార్పులు కూడా ఏప్రిల్ 2023 నుంచి మార్చి 2024 అమల్లో ఉంటాయి.
పన్ను చెల్లింపుదారులందరికీ కొత్త పన్ను విధానం డిఫాల్ట్ ఎంపికగా ఎంపిక అవుతుంది. అయితే పాత పన్ను విధానాన్ని ఎంచుకునే పన్ను చెల్లింపుదారులు ఇప్పుడు తప్పనిసరిగా రాతపూర్వకంగా తమ ప్రాధాన్యతను తెలియజేయాల్సి ఉంటుంది. కొత్త పన్ను విధానమైన డిఫాల్ట్ పన్ను విధానంలో ముఖ్యంగా ఆరు పన్ను మినహాయింపులు ఉన్నాయి. ఆదాయపు పన్ను రహిత స్లాబ్ను గరిష్టంగా రూ. 5 నుంచి 7 లక్షలకు పొడిగించారు. అలాగే ఒక పన్ను చెల్లింపుదారు స్టాండర్డ్ డిడక్షన్ కోసం రూ. 50,000 వరకు క్లెయిమ్ చేయవచ్చు. అయితే రూ. 15.5 లక్షలు లేదా అంతకంటే ఎక్కువ ఆదాయం ఉన్న ప్రతి జీతం కలిగిన వ్యక్తి రూ. 52,500 స్టాండర్డ్ డిడక్షన్కు అర్హులు. కొత్త పన్ను విధానంలో ప్రాథమిక మినహాయింపు పరిమితిని రూ.3 లక్షలకు పెంచారు. కొత్త పన్ను పొదుపు ప్రణాళిక పెట్టుబడులకు మినహాయింపు ఇవ్వదనే విషయాన్ని గుర్తించాలి. అయితే, స్టాండర్డ్ డిడక్షన్ తర్వాత రూ. 7.5 లక్షల కంటే ఎక్కువ ఆదాయానికి ఇది వర్తించదు. ఉద్యోగులు తమ యజమాని తమ ఎన్పీఎస్ ఖాతాకు డబ్బు చేస్తే పన్ను మినహాయింపునకు అర్హులని నిపుణులు చెబతున్నారు. సెక్షన్ 80 సీసీడీ(2) చెల్లింపులో గరిష్టంగా 10% తగ్గింపును అనుమతిస్తుంది. ఈ పన్ను మినహాయింపు సెక్షన్ 80సి, సెక్షన్ 80సీసీడీ (1బి) తగ్గింపులకు వరుసగా రూ. 50,000 నుంచి రూ. 1.5 లక్షలుగా ఉంటుంది. సెక్షన్ 80సీసీడీ(1) కింద ఉద్యోగి సహకారం సెక్షన్ 80సితో కలిపి ఉంటుందని గుర్తుంచుకోవాలి. 2 కోట్లకు మించిన ఆదాయం కోసం, ఆర్థిక మంత్రిత్వ శాఖ అత్యధిక సర్ఛార్జ్ రేటును 37% నుంచి 25%కి తగ్గించింది. అందువల్ల అత్యధిక పన్ను రేటు దాని ప్రస్తుత 42.74 శాతం స్థాయి నుంచి 39 శాతానికి తగ్గుతుంది.
మరిన్ని బిజినెస్ వార్తల కోసం ఇక్కడ క్లిక్ చేయండి
