Tata Altroz Racer: త్వరలోనే మార్కెట్లోకి నయా టాటా కారు.. ఫీచర్స్ చూస్తే మతిపోతుందంతే..!
టాటా మోటార్స్ ఇండియన్ మార్కెట్లోకి ఆల్టోజ్ రేసర్ విడుదల చేయడానికి సన్నాహాలు చేస్తోంది. టాటా కార్ల ప్రియులు ఈ కారు రిలీజ్ కోసం చాలా రోజుల నుంచి వెయిట్ చేస్తున్నారు. ఈ కారును ఇటీవలే 2024 భారత్ మొబిలిటీ షోలో ప్రదర్శించారు. టాటా ఆల్ట్రోజ్ రేసర్ అనేది ఇప్పటికే భారతీయ మార్కెట్లో విక్రయిస్తున్న టాటా ఆల్ట్రోజ్ వెర్షన్కు రేసర్ అనేది స్పోర్టియర్ వెర్షన్గా పేర్కొంటున్నారు.
Updated on: May 30, 2024 | 6:04 PM
టాటా మోటార్స్ ఇండియన్ మార్కెట్లోకి ఆల్టోజ్ రేసర్ విడుదల చేయడానికి సన్నాహాలు చేస్తోంది. టాటా కార్ల ప్రియులు ఈ కారు రిలీజ్ కోసం చాలా రోజుల నుంచి వెయిట్ చేస్తున్నారు. ఈ కారును ఇటీవలే 2024 భారత్ మొబిలిటీ షోలో ప్రదర్శించారు. టాటా ఆల్ట్రోజ్ రేసర్ అనేది ఇప్పటికే భారతీయ మార్కెట్లో విక్రయిస్తున్న టాటా ఆల్ట్రోజ్ వెర్షన్కు రేసర్ అనేది స్పోర్టియర్ వెర్షన్గా పేర్కొంటున్నారు. ఈ కారు రిలీజ్ అయితే సేల్స్ చార్ట్లో బాగా అమ్ముడయ్యే కార్లల్లో ఒకటిగా నిలుస్తుందని నిపుణులు చెబుతున్నారు. టాటా ఆల్ట్రోజ్ కారుకు ఎప్పటి నుంచో అప్డేట్లు రాలేదు. ఈ నేపథ్యంలో స్పోర్టీ వెర్షన్లో నయా ఆల్ట్రోజ్ రేసర్ను రిలీజ్ చేసింది.
టాటా ఆల్టోజ్ రేసర్ దాని స్పోర్టీ క్యారెక్టర్కు అనువగా ఉంటుంది. బోనెట్, కారు పైకప్పుపై రెండు లైన్స్తో డ్యూయల్-టోన్ పెయింట్ స్కీమ్తో వస్తుంది. అలాగే ఈ కారు రీ డిజైన్ చేసిన గ్రిల్, కొత్త అల్లాయ్ వీల్స్తో పాటు ఫెండర్లపై ‘రేసర్’ బ్యాడ్జితో వస్తుంది. ఈ డిజైన్ గతంలో మోడల్ ప్రారంభ సమయంలో ప్రదర్శించారు. కారు లోపలి భాగం డ్యాష్ బోర్డ్లో కాంట్రాస్ట్ స్టిచింగ్, కలర్ యాక్సెంట్లతో కూడిన లెథెరెట్ అష్టోల్స్టరీని కలిగి ఉంటుందని అంచనా వేస్తున్నారు. ఈ కారుకు సంబంధించిన స్పోర్టీ ఫీల్ను మరింత మెరుగుపర్చేందుకు ఈ అప్డేట్స్ను ఇచ్చాని మార్కెట్ నిపుణులు అంచనా వేస్తున్నారు.
టాటా ఆల్ట్రోజ్ కారు 10.25-అంగుళాల టచ్ స్క్రీన్ ఇన్ఫోటైన్మెంట్ సిస్టమ్, వెంటిలేటెడ్ ఫ్రంట్ సీట్లు, 360-డిగ్రీ కెమెరా, హెడ్స్- అప్ డిస్ప్లే, వాయిస్-కమాండ్ సన్రూఫ్ వంటి ఫీచర్లతో వస్తుంది. ఈ కారు ఆరు ఎయిర్బ్యాగ్లు, ఈఎస్సీ స్టాండర్డ్ ఫీచర్లతో వస్తుంది. భవిష్యత్తులో ఈ ఫీచర్లను కారు స్టాండర్డ్ వేరియంట్లలో చేర్చే అవకాశం ఉంది. టాటా ఆల్ట్రోజ్ రేసర్ కారులో 1.2 లీటర్ మూడు-సిలిండర్ పెట్రోల్ ఇంజిన్తో వస్తుంది. ఈ కారు గరిష్ట పనితీరులో పవర్ యూనిట్ 120 హెచ్పీ శక్తిని, 170 ఎన్ఎం టార్క్ను ఉత్పత్తి చేస్తుంది. ఈ కారు స్పోర్టీ వేరియంట్ 6 స్పీడ్ మాన్యువల్ ట్రాన్స్మిషన్తో వస్తుంది.
మరిన్ని బిజినెస్ వార్తల కోసం ఇక్కడ క్లిక్ చేయండి..
