LPG Customers: గ్యాస్‌ వినియోగదారులకు కేంద్రం గుడ్‌న్యూస్‌.. భారీ ఊరట.. కొత్త సర్వీసులు అందుబాటులోకి..!

LPG Customers: కేంద్ర ప్రభుత్వం మరో కీలక నిర్ణయం తీసుకుంది. ఎల్‌పీజీ గ్యాస్‌ వినియోగదారులకు ఊరట కలిగించే ప్రకటన వెల్లడించింది. ఈ ప్రకటనతో చాలా మందికి ప్రయోజనం..

LPG customers

Subhash Goud |

Updated on: Jun 10, 2021 | 7:55 PM

LPG Customers: కేంద్ర ప్రభుత్వం మరో కీలక నిర్ణయం తీసుకుంది. ఎల్‌పీజీ గ్యాస్‌ వినియోగదారులకు ఊరట కలిగించే ప్రకటన వెల్లడించింది. ఈ ప్రకటనతో చాలా మందికి ప్రయోజనం చేకూరనుంది. నచ్చిన డిస్ట్రిబ్యూటర్ నుంచి గ్యాస్ సిలిండర్ బుక్ చేసుకునే వెసులుబాటు కల్పిస్తోంది. కేంద్రం ప్రకటనతో గ్యాస్‌ సిలిండర్‌ వాడే వారు తమకు నచ్చిన డిస్ట్రిబ్యూటర్‌ నుంచి గ్యాస్‌ సిలిండర్‌ను బుక్‌ చేసుకోవచ్చు. వినియోగదారుల ఇంటి అడ్రస్‌కు డెలివరీ సర్వీసు అందజేసే డిస్ట్రిబ్యూటర్లలో నచ్చిన డిస్ట్రిబ్యూటర్‌ను ఎంచుకునే అవకాశం ఉంటుంది. ఆయిల్ మార్కెటింగ్ కంపెనీలు ఈ సేవలను వినియోగదారులకు అందించనున్నాయి.

ప్రస్తుతం ఈ సర్వీసులు ఎక్కడెక్కడ అంటే..

ప్రస్తుతం ఈ సర్వీసులను కొన్ని ప్రాంతాల్లో ప్రారంభించింది కేంద్రం. దేశంలోని కొన్ని ప్రాంతాల్లో పైలెట్‌ ప్రాజెక్టు కింద ప్రారంభిస్తున్నట్లు పెట్రోలియం శాఖ వెల్లడించింది. అవి ఎక్కడెక్కడ అంటే.. ఛండీఘర్, కోయంబత్తూరు, గురుగావ్, రాంచీలలో ఈ సేవలు పైలెట్ ప్రాజెక్ట్ కింద ప్రారంభించారు. ఇక త్వరలో దేశవ్యాప్తంగా ఈ సేవలు అందుబాటులోకి తీసుకురానున్నట్లు కేంద్ర సర్కార్‌ వెల్లడించింది.

డిస్ట్రిబ్యూటర్ల రేటింగ్‌..

అయితే వినియోగదారులు గ్యాస్‌ సిలిండర్‌ను మొబైల్‌ యాప్‌ లేదా వెబ్‌సైట్‌ ద్వారా బుకింగ్‌ చేసుకోవచ్చు. వారి ఇంటికి సిలిండర్‌ డెలివరీ చేసే డిస్ట్రిబ్యూటర్ల జాబితా కనిపిస్తుంది. వారి పనితీరు రేటింగ్‌ కూడా కనిపిస్తుంది. ఇందులో కస్టమర్లు వారికి నచ్చిన డిస్ట్రిబ్యూటర్‌ను ఎంచుకోవచ్చు. వారే మీ ఇంటికి సిలిండర్ డెలివరీ చేస్తారు. ఈ సేవల ద్వారా గ్యాస్‌ సిలిండర్‌ వినియోగదారులకు ఎంతో మేలు జరుగనుంది. మున్ముందు దేశంలోని మరిన్ని ప్రాంతాలకు ఈ సేవలను విస్తరించనుంది కేంద్రం.