LIC Policy Link: పీఎఫ్ ఖాతాతో ఎల్ఐసీ పాలసీ లింకింగ్.. ప్రయోజనమేంటో? తెలిస్తే ఎగిరిగంతేస్తారు..
ముఖ్యంగా అత్యవసర సమయాల్లో డబ్బును అందించడంతో పాటు పదవీ విరమణ సమయంలో కూడా ముఖ్యమైన ఆస్తులుగ ఉంటాయి. ఈపీఎఫ్, ఎల్ఐసీ రెండు రెండూ దీర్ఘకాలిక పెట్టుబడి ప్రణాళికలు. ఈపీఎఫ్ విరాళాలు పదవీ విరమణ కార్పస్ను నిర్మించడానికి ఉద్దేశించారు. అయితే ఎల్ఐసీ పాలసీలు పొదుపులు, బీమా కవరేజీకు సంబంధించిన ద్వంద్వ ప్రయోజనాలను అందిస్తాయి. అయితే పీఎఫ్ ఖాతాతో ఎల్ఐసీ పాలసీను లింక్ చేసుకునే అవకాశాన్ని తాజాగా కల్పించింది.
Updated on: Oct 04, 2023 | 2:00 PM
ఉద్యోగుల భవిష్య నిధి (పీఎఫ్), లైఫ్ ఇన్సూరెన్స్ కార్పొరేషన్ (ఎల్ఐసీ) పాలసీలు రెండింటి అంతిమ లక్ష్యం ఒక్కటే. ఈ రెండు పథకాలు పదవీ విరమణ తర్వాత ఉద్యోగులు లేదా పాలసీదారులకు ఆర్థిక భరోసా కల్పిస్తాయి. ముఖ్యంగా అత్యవసర సమయాల్లో డబ్బును అందించడంతో పాటు పదవీ విరమణ సమయంలో కూడా ముఖ్యమైన ఆస్తులుగ ఉంటాయి. ఈపీఎఫ్, ఎల్ఐసీ రెండు రెండూ దీర్ఘకాలిక పెట్టుబడి ప్రణాళికలు. ఈపీఎఫ్ విరాళాలు పదవీ విరమణ కార్పస్ను నిర్మించడానికి ఉద్దేశించారు. అయితే ఎల్ఐసీ పాలసీలు పొదుపులు, బీమా కవరేజీకు సంబంధించిన ద్వంద్వ ప్రయోజనాలను అందిస్తాయి. అయితే పీఎఫ్ ఖాతాతో ఎల్ఐసీ పాలసీను లింక్ చేసుకునే అవకాశాన్ని తాజాగా కల్పించింది. ఇలా లింక్ చేయడం వల్ల కలిగే ప్రయోజనాలను ఓ సారి తెలుసుకుందాం.
అనేక కారణాల వల్ల చాలా మంది పాలసీదారులు ఎల్ఐసీ పాలసీలకు గడువు తేదీలోపు ప్రీమియం చెల్లించడం మానేస్తారు. ఆర్థిక సమస్యల కారణంగా మీరు ఎల్ఐసీ ప్రీమియంలను చెల్లించలేకపోతే, చెల్లించని ప్రీమియంలను చెల్లించడానికి మీరు మీ ఈపీఎఫ్ పొదుపుపై ఆధారపడవచ్చు. పీఎఫ్ పొదుపులను నిర్వహించే ఉద్యోగుల ప్రావిడెంట్ ఫండ్ ఆర్గనైజేషన్ (ఈపీఎఫ్ఓ) ప్రావిడెంట్ ఫండ్ బ్యాలెన్స్ నుండి సభ్యులు వారి ఎల్ఐసీ ప్రీమియంలను చెల్లించడానికి అనుమతిస్తుంది. అంటే మీరు మీ పీఎఫ్ పొదుపులను ఉపయోగించి ఎల్ఐసీ పాలసీ ప్రీమియంలను చెల్లించవచ్చు. మీ ఈపీఎఫ్ ఖాతాను ఎల్ఐసీ పాలసీలతో లింక్ చేసే ప్రక్రియను గురించి మరిన్ని వివరాలను తెలుసుకుందాం.
ఎల్ఐసీ ఖాతాతో పీఎఫ్ లింకింగ్ ఇలా
భవిష్యత్తులో ప్రీమియంలను చెల్లించడానికి మీ ఎల్ఐసీ పాలసీని మీ పీఎప్ ఖాతాతో లింక్ చేయడానికి మీరు ఫారమ్ 14ని సమీపంలోని ఈపీఎఫ్ కార్యాలయంలో సమర్పిచాల్సి ఉంటుంది. ఆ ఫారమ్లో మీరు అవసరమైన వివరాలను పూరించాలి. అలాగే మీ పీఎఫ్ ఖాతాను ఉపయోగించి ఎల్ఐసీ ప్రీమియంల చెల్లింపును అనుమతించమని ఈపీఎఫ్ కమిషనర్ని కోరాలి. అయితే మీరు ఫారమ్ 14 సమర్పణ సమయంలో మీ పీఎఫ్ ఖాతాలలోని నిధులు మీ వార్షిక ఎల్ఐసీ ప్రీమియం మొత్తంలో కనీసం రెండింతలు ఉండేలా చూసుకోవాలి. పాలసీని కొనుగోలు చేసేటప్పుడు లేదా తర్వాత కూడా ఈ సదుపాయాన్ని పొందవచ్చు. అయితే ఈ సదుపాయం ఎల్ఐసీ ప్రీమియం చెల్లింపులకు మాత్రమే పరిమితం చేశారని, అలాగే ఇతర బీమా ప్రీమియంలను పీఎఫ్ ఖాతా ద్వారా చెల్లించలేమని గమనించాలి.
ముఖ్యంగా జీతభత్యాలపైనే ఆధారపడే ఉద్యోగులకు ఇది ఒక ప్రయోజనంగా భావిస్తున్నారు. మీ ఈపీఎఫ్ ఖాతాను ఎల్ఐసీ పాలసీతో లింక్ చేయడం వల్ల మీ ఆర్థిక భారం తగ్గుతుంది. ప్రీమియం చెల్లించకపోవడం వల్ల మీ ఎల్ఐసీ పాలసీ లాప్స్ అయ్యే అవకాశం ఉన్నందున మీరు ఇప్పటికీ బీమా కవరేజీని పొందవచ్చు. అయితే ఈ సదుపాయాన్ని చివరి ఎంపికగా, ఒక వ్యక్తి ఆర్థిక సంక్షోభాన్ని ఎదుర్కొంటున్నప్పుడు మాత్రమే ఉపయోగించాలని నిపుణులు సూచిస్తున్నారు. అంతేకాకుండా పాలసీదారుడి ఆర్థిక పరిస్థితి మెరుగుపడిన తర్వాత ఈ సౌకర్యాన్ని నిలిపివేయాలని నిపుణులు సూచిస్తున్నారు.
మరిన్ని బిజినెస్ వార్తల కోసం ఇక్కడ క్లిక్ చేయండి
