Transgenders Insurance: ట్రాన్స్‌జెండర్ల ఇన్సూరెన్స్ పాలసీలపై IRDAI కీలక నిర్ణయం..

Transgenders Insurance: ఇన్సూరెన్స్ రెగ్యులేటరీ & డెవలప్‌మెంట్ అథారిటీ ఆఫ్ ఇండియా అన్ని లైఫ్, నాన్-లైఫ్ ఇన్సూరెన్స్ కంపెనీలు(Insurance Companies) తమ వెబ్‌సైట్లలో ట్రాన్స్ జెండర్ల అండర్ రైటింగ్ కు సంబంధించి రూల్స్ పొందుపరచాలని వెల్లడించింది. దీనివల్ల పారదర్శకత పెరుగుతుందని వెల్లడించింది. ట్రాన్స్‌జెండర్లకు ఆరోగ్య బీమా కవరేజీని అందించడానికి సంబంధించి పూచీకత్తు ఫిలాసఫీ(Underwriting Philosophy), విధానానికి సంబంధించిన అంశాలను వారి వెబ్‌సైట్‌లలో ఉంచాలని అన్ని బీమా సంస్థలకు ఇప్పుడు సూచించబడిందని.. తద్వారా ట్రాన్స్‌జెండర్లకు ఈ విషయంలో బీమా సంస్థలు అనుసరించే ఫిలాసఫీపై పూర్తి సమాచారం ఉంటుందని IRDAI తెలిపింది. అన్ని పూచీకత్తు వివరాలు వివరంగా తెలియచేయటం ఇకపై తప్పనిసరి చేసింది.

ఇన్సూరెన్స కంపెనీలు ట్రాన్స్‌జెండర్ల అప్లికేషన్ల పరిశీలన, రిస్క్ కవరేజ్ ప్రక్రియ, ప్రీమియం చెల్లింపుల వివరాలను పూర్తిగా వెల్లడించాలని IRDAI తెలిపింది. లైఫ్, హెల్త్, జనరల్ ఇన్సూరెన్స్ కంపెనీలకు ట్రాన్స్ జెండర్ పాలసీ హోల్డర్లకు సమాచారం అందిచాలని సూచించింది. అనుమానాల నివృత్తికి ఇది ఎంతగానో ఉపకరించనుందని రెగ్యులేటరీ సంస్థ భావిస్తోంది. 2011 జనాభా లెక్కల ప్రకారం దేశంలో మెుత్తం 5 లక్షల వరకు ట్రాన్స్‌జెండర్లు ఉన్నారు. వీరిలో అక్షరాశ్యుల సంఖ్య 56 శాతం వరకు ఉంది. చాలా బీమా కంపెనీలు ట్రాన్స్ జెండర్లకు ప్రత్యేక పాలసీ రేట్లు అందించటం లేదని ప్రస్తుతం ఉన్న సమాచారం మేరకు తెలుస్తోంది.

ఇవీ చదవండి..

Elon Musk Vs Putin: రష్యా అధ్యక్షుడికి ఎలాన్ మస్క్ ఛాలెంజ్.. ట్విట్టర్ లో కీలక వ్యాఖ్యలు..

డెట్‌ ఈక్విటీ నిష్పత్తి అంటే ఏమిటి.. పెట్టుబడికి ముందు దానిని ఎందుకు చూడాలి..