Indian Gas: గ్యాస్‌ సిలిండర్‌ వాడే వారికి అదిరిపోయే గుడ్‌న్యూస్‌.. కొత్త సర్వీసులు అందుబాటులోకి..

Indian Gas: గ్యాస్‌ సిలిండర్‌ వాడే వారికి ఈ మధ్య కాలంలో ప్రయోజనం పొందే వార్తలు వినిపిస్తున్నాయి. గ్యాస్‌ సిలిండర్‌ కంపెనీలు కస్టమర్ల కోసం ఉపయోగపడే సర్వీసులను అందుబాటులోకి..

Subhash Goud |

Updated on: May 20, 2021 | 5:29 PM

Indian Gas: గ్యాస్‌ సిలిండర్‌ వాడే వారికి ఈ మధ్య కాలంలో ప్రయోజనం పొందే వార్తలు వినిపిస్తున్నాయి. గ్యాస్‌ సిలిండర్‌ కంపెనీలు కస్టమర్ల కోసం ఉపయోగపడే సర్వీసులను అందుబాటులోకి తీసుకువస్తున్నాయి. తాజాగా మరో కొత్త సర్వీసులు అందుబాటులోకి వచ్చాయి. ఇండియన్ ఆయిల్ పలు రకాల కొత్త సేవలను ఆవిష్కరించింది. దీంతో ఇండేన్ గ్యాస్ కస్టమర్లకు ఎంతో మేలు జరగనుంది. ఇండేన్‌ గ్యాస్‌ కస్టమర్లు అయితే కొత్త సర్వీసులు అందుబాటులోకి వచ్చాయి. ఈ విషయాన్ని ఇండియన్‌ ఆయిల్‌ ట్విట్టర్‌ వేదిక వెల్లడించింది.

➦ ఇండేన్ ఎక్స్‌ట్రా తేజ్ ➦ ఆక్టేన్ ఎక్స్‌పీ 100, ఎక్స్‌పీ 95 ప్రీమియం పెట్రోల్ ➦ చోటా 5 కేజీ ఎల్‌పీజీ సిలిండర్ ➦ మిస్డ్ కాల్ ఎల్‌పీజీ రీఫిల్ బుకింగ్ సౌకర్యం ➦కాంబో సిలిండర్ (14.2 కేజీ అండ్ 5 కేజీ)

ఇండేన్ గ్యాస్ కస్టమర్లు 8454955555 నెంబర్‌కు కాల్ చేసి మిస్డ్ కాల్ ఇస్తే సరిపోతుంది. సిలిండర్ బుక్ అయిపోతుంది. కాంబో సిలిండర్ కింద 14.2 కేజీల సిలిండర్‌తోపాటు 5 కేజీల సిలిండర్ కూడా పొందే అవకాశం ఉంటుంది. ఇక ఇండేన్ ఎక్స్‌ట్రా తేజ్ సిలిండర్ వాడటం వల్ల 5 శాతం వరకు గ్యాస్ ఆదా చేసుకోవచ్చు. అంతే కాదు.. ఫుడ్ కూడా వేగంగా తయారవుతుంది. ఈ సిలిండర్లు బ్లూ రంగులో ఉంటాయి. అయితే ఈ ఎల్‌పీజీ గ్యాస్ సిలిండర్లను కేవలం కమర్షియల్ సిలిండర్ ఉపయోగించే వారు మాత్రమే ఉపయోగించుకోవడం అవకాశం ఉంటుంది.