India Post Payments Bank: పోస్టాఫీసు ఖాతాదారులకు చేదువార్త.. ఇక నుంచి ఆ అకౌంట్లపై వడ్డీ రేట్ల తగ్గింపు..!

India Post Payments Bank: ఇండియా పోస్ట్ పేమెంట్స్ బ్యాంక్ తన ఖాతాదారులకు చేదు వార్త వినిపించింది. మీరు ఇండియా పోస్ట్ పేమెంట్స్ బ్యాంక్‌లో సేవింగ్స్ ఖాతాను కొనసాగిస్తున్నట్లయితే..

Subhash Goud |
Updated on: Jun 01, 2022 | 4:40 PM

India Post Payments Bank: ఇండియా పోస్ట్ పేమెంట్స్ బ్యాంక్ తన ఖాతాదారులకు చేదు వార్త వినిపించింది. మీరు ఇండియా పోస్ట్ పేమెంట్స్ బ్యాంక్‌లో సేవింగ్స్ ఖాతాను కొనసాగిస్తున్నట్లయితే అకౌంట్‌పై వడ్డీని తగ్గించింది. IPPB వివిధ రకాల పొదుపు ఖాతాలపై చెల్లించాల్సిన వడ్డీని 25 బేసిస్ పాయింట్లు తగ్గించింది. IPPB కొత్త వడ్డీ రేట్లు కూడా జూన్ 1, 2022 నుండి అందుబాటులోకి వచ్చాయి. ఇండియా పోస్ట్ పేమెంట్ బ్యాంక్‌లు కూడా కొత్త వడ్డీ రేట్లకు సంబంధించి అధికారిక నోటిఫికేషన్‌ను విడుదల చేసింది.

ఇప్పుడు రూ. 1 లక్ష లోపు డిపాజిట్లపై 2.0 శాతం వడ్డీ లభిస్తుంది. ఇది అంతకుముందు 2.25 శాతం ఉండేది. ఇది కాకుండా రూ. 1 లక్ష కంటే ఎక్కువ, రూ. 2 లక్షల కంటే తక్కువ మొత్తంపై 2.50 శాతానికి బదులుగా 2.25 శాతం మాత్రమే వడ్డీ లభిస్తుంది. సేవింగ్స్ ఖాతాలపై చెల్లించే వడ్డీ డబ్బు ప్రతి మూడు నెలలకోసారి ఖాతాకు బదిలీ చేయబడుతుంది.

ఒకవైపు IPPB ఖాతాదారులకు పొదుపు ఖాతాపై చెల్లించే వడ్డీని 2.25 నుచి 2.00 శాతానికి తగ్గించగా, మరోవైపు పోస్ట్ ఆఫీస్ సేవింగ్స్ ఖాతాలోని ఖాతాదారులకు ఇప్పటికీ 4.00 శాతం వడ్డీ లభిస్తుంది. ఇండియా పోస్ట్ పేమెంట్స్ బ్యాంక్, పోస్ట్ ఆఫీస్ సేవింగ్స్ స్కీమ్ రెండూ భారత ప్రభుత్వ కమ్యూనికేషన్స్ మంత్రిత్వ శాఖ క్రింద పనిచేస్తాయని పోస్టల్‌ శాఖ వెల్లడించింది.

ఇవి కూడా చదవండి

పోస్ట్ ఆఫీస్ సేవింగ్స్ స్కీమ్ కింద ఖాతా తెరవడానికి కనీసం రూ. 500 డిపాజిట్ చేయాలి. ఈ పథకం కింద ఏ కస్టమర్ అయినా రూ. 500 కంటే ఎక్కువ తన ఖాతాలో ఎంత డబ్బును డిపాజిట్ చేయవచ్చు. ఇందులో గరిష్ట డిపాజిట్ పరిమితి లేదు. ఇది కాకుండా మీరు మీ ఖాతా నుండి రూ. 500 కంటే తక్కువ విత్‌డ్రా చేయలేరు. మరోవైపు IPPB సాధారణ పొదుపు ఖాతా జీరో బ్యాలెన్స్ ఖాతా. అందువల్ల దాన్ని తెరవడానికి డబ్బును డిపాజిట్ చేయడానికి రూ. 1 కూడా డిపాజిట్ చేయవలసిన అవసరం లేదు. ఇది కాకుండా ఈ ఖాతాలో కనీస నిల్వను నిర్వహించాల్సిన అవసరం లేదు.

పోస్ట్ ఆఫీస్ సేవింగ్స్ ఖాతా, ఇండియా పోస్ట్ పేమెంట్స్ బ్యాంక్ గురించి మరింత సమాచారం కోసం మీరు మీ సమీపంలోని పోస్టాఫీసును సందర్శించవచ్చు. ఇది కాకుండా మీరు పోస్ట్ ఆఫీస్ సేవింగ్స్ ఖాతా, ఇండియా పోస్ట్ పేమెంట్స్ బ్యాంక్ వెబ్‌సైట్‌ను సందర్శించడం ద్వారా కూడా సమాచారాన్ని పొందవచ్చు.

మరిన్ని బిజినెస్ వార్తల కోసం ఇక్కడ క్లిక్ చేయండి